މިއަދުގެ ބައްދަލުވުމުގައި އެޖެންޑާ ކުރެވިފައިވަނީ ޤާނޫނު ނަންބަރު 2007/5 (ދިވެހި ސިވިލް ސަރވިސްގެ ޤާނޫނު) އަށް އިޞްލާޙުގެނައުމުގެ ބިލު ދިރާކުރުމުގެ މަސައްކަތެވެ. މިގޮތުން ބިލު މިހާރު ހުށަހެޅިފައިވާ ގޮތަށް ފާސްކުރުމަށް ވެލިދޫ ދާއިރާގެ މެންބަރު މުޙައްމަދު ޢަބްދުﷲ ޝަފީޤު ހުށަހަޅުއްވާ ބާރަށު ދާއިރާގެ އަޙްމަދު ޢަބްދުﷲ ތާޢީދުކުރެއްވިއެވެ. މި ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ވަޑައިގެން ތިއްބެއްވި މެންބަރުންގެ އިއްތިފާޤުން ފާސްކުރެވުނެވެ. އެއަށްފަހު ދެން ކުރިއަށް ގެންދެވީ ކޮމިޓީއަށް ލިބިފައިވާ ސިޓީތަކާ ގުޅޭގޮތުން މަޝްވަރާކޮށް ގޮތެއް ނިންމެވުމެވެ.
© 2024 ރައްޔިތުންގެ މަޖިލިސްގެ އިދާރާA