މިއަދުގެ ބައްދަލުވުމުގައި، ދައުލަތުގެ މަޝްރޫޢުތަކުގައި ގެއްލުމުގެ ބަދަލުދިނުމުގެ ނިޒާމުގެ ނަޒާހަތްތެރިކަން ހަރުދަނާކުރުމަށް ހާއްސަކުރެވިގެން އެންޓި-ކޮރަޕްޝަން ކޮމިޝަނުން ތައްޔާރުކޮށް ނެރުއްވާފައިވާ ހުދުކަރުދާސް ދިރާސާކުރެއްވުމުގެ މަސައްކަތް ކުރިއަށް ގެންދެވިއެވެ. އެގޮތުން، އެ ކަރުދާހުގައި ފާހަގަކުރައްވާފައިވާ ކަންތައްތަކާ ގުޅޭގޮތުން މަޢުލޫމާތު ސާފުކުރުމަށް މިނިސްޓަރ އޮފް ފިނޭންސް އަދި އެޓަރނީ ޖެނެރަލްއާ ބައްދަލުކުރެއްވުމަށް ކޮމިޓީގެ އަޢްލަބިއްޔަތުން ނިންމެވިއެވެ.