މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީގެ މުޤައްރިރަކާއި ނައިބު މުޤައްރިރެއް އިންތިޚާބުކުރުމުގެ މަސައްކަތެވެ. ފުރަތަމަ މުޤައްރިރަކަށް ނަންފުޅު ހުށަހެޅުމަށް ހުޅުވާލުމުން ކެނދިކުޅުދޫ ދާއިރާގެ މެންބަރު އަޙްމަދު ޢީސާގެ ނަންފުޅު ކޮމިޓީގެ އަޣުލަބިއްޔަތުން ފާސްވެގެންދިޔައެވެ. ދެން ކުރިއަށް ގެންދެވީ ކޮމިޓީގެ ނައިބު މުޤައްރިރެއް ހޮވުމުގެ މަސައްކަތެވެ. އެގޮތުން ފުރުސަތު ހުޅުވާލުމުން ދަނގެތި ދާއިރާގެ މެންބަރު މުޙައްމަދު ނާޡިމްގެ ނަންފުޅު ކޮމިޓީގެ އިއްތިފާގުން ފާސްވެގެންދިޔައެވެ.