މި ބައްދަލުވުމުގައި، އިންޝުއަރެންސްއާބެހޭ ބިލު ކޮމިޓީން ދިރާސާކޮށް ނިންމާނެ ސުންގަޑި ކަނޑައެޅުއްވުމުގެ މަސައްކަތް ކުރިއަށް ގެންދެވިއެވެ. އެގޮތުން، 31 އޮކްޓޫބަރު 2022 ގެ ނިޔަލަށް ބިލުގެ މަސައްކަތް ނިންމުމަށް މަރަދޫ ދާއިރާގެ މެންބަރު އިބްރާހީމް ޝަރީފް ހުށަހަޅުއްވައި، ތިމަރަފުށީ ދާއިރާގެ މެންބަރު އަބްދުﷲ ރިޔާޟް ތާޢީދުކުރެއްވިއެވެ. އަދި މި ހުށަހެޅުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި އެއްވެސް މެންބަރަކު އިޢުތިރާޒު ކުރައްވާފައިނުވާތީ، ބިލުގެ ސުންގަޑިއަކީ 31 އޮކްޓޫބަރު 2022 ކަމުގައި ކަނޑައެޅުއްވިއެވެ. އެއަށްފަހު، ބިލު ދިރާސާކުރެއްވުމުގެ މަސައްކަތް ކުރިއަށް ގެންދެވިއެވެ. އެގޮތުން ބިލުގެ 17 ވަނަ މާއްދާގެ (ހ) އިން ފެށިގެން 23 ވަނަ މާއްދާއާ ހަމައަށް ދިރާސާކުރުމުގެ މަސައްކަތް ކުރިއަށް ގެންދެވިއެވެ. މީގެ އިތުރުން، ބިލުގެ 17 ވަނަ މާއްދާގެ (ހ) އަދި 18 ވަނަ މާއްދާގެ (ރ) ގައި އިތުރަށް ބަލަންޖެހޭ ކަންކަން ހުރުމާއެކު، އެ މާއްދާތައް ޕާކް ކުރުމަށް ނިންމެވިއެވެ.
© 2024 ރައްޔިތުންގެ މަޖިލިސްގެ އިދާރާA