މިއަދުގެ ބައްދަލުވުމުގައި މޯލްޑިވްސް ގޭސް ޕްރައިވެޓް ލިމިޓެޑުގެ މެނޭޖިންގ ޑިރެކްޓަރ ޝަޒައިލް ސިޔާމް ރައްޔިތުންގެ މަޖިލީހުގެ ނިންމެވުމާ ޚިލާފަށް 3 ޑީ.އެޗް އިންޓަރނޭޝަނަލް ޕްރައިވެޓް ލިމިޓެޑުން ބޮޑު ޕްރިއަމްގައި ގޭސް ގަންނަމުންދާތީ، އެ މައްސަލަ ބައްލަވައިދިނުމަށް އެދި ފޮނުއްވާފައިވާ ސިޓީއާ ގުޅޭ މަޢުލޫމާތު އެ ކުންފުނިން ސާފުކުރެއްވުމަށް ކޮމިޓީގައި ތިއްބެވި މެންބަރުން އިއުތިރާޒްނުކުރައްވާތީ އެގޮތަށް ނިންމެވިއެވެ. އެއަށްފަހު، އައިލެންޑް އޭވިއޭޝަން ސަރވިސަސް ލޓޑ އަށް ޖުލައި 2013 ގައި 50 އަހަރަށް ދޫކުރެވިފައި ތ.ރުށްތިބިރަށް ތަރައްޤީނުކުރެވި ލަސްވާ ސަބަބު ބައްލަވައިދެއްވުމަށް އެދި ތިމަރަފުށި ދާއިރާގެ މެންބަރު ޢަބްދުﷲ ރިޔާޒް ފޮނުއްވާފައިވާ މައްސަލައާ ގުޅޭ މަޢުލޫމާތު އައިލެންޑް އޭވިއޭޝަން ސަރވިސަސް އަދި މިނިސްޓްރީ އޮފް ޓޫރިޒަމްއިން ސާފުކުރެއްވުމަށް ކޮމިޓީގައި ހާޒިރުވެވަޑައިގެން ތިއްބެވި މެންބަރުން އިއުތިރާޒްނުކުރައްވާތީ އެގޮތަށް ނިންމެވިއެވެ.