މި ބައްދަލުވުމުގައި ކުރިއަށްގެންދެވީ ކޮމިޓީއަށް ފޮނުއްވާފައިވާ، ލ. ގަމު ރީޖަނަލް ހޮސްޕިޓަލަށް ކުރިމަތިވެފައިވާ މައްސަލަތައް ދެނެގަނެ، ސިއްޙީ ޚިދުމަތުގެ ފެންވަރު ރަނގަޅުކޮށް ހިންގުން ހަރުދަނާކޮށް މައްސަލަތައް ވީހާވެސް އަވަހަށް ޙައްލުކޮށްދިނުމަށް ސަރުކާރަށް ގޮވާލައި މާވަށު ދާއިރާގެ މެންބަރު މުޙައްމަދު ސަޢީދު ފޮނުއްވާފައިވާ މައްސަލައާ ގުޅުންހުރި ފަރާތްތަކާ ބައްދަލުކުރެއްވުމެވެ. އެގޮތުން، އެ މައްސަލައާ ގުޅޭގޮތުން ލ. އަތޮޅުގެ އަތޮޅު ކައުންސިލާއި، ލ. ގަން، ލ. މާވަށް، ލ. ކުނަހަންދޫ އަދި ލ. ހިތަދޫގެ ރަށު ކައުންސިލުތަކާ ބައްދަލުކުރައްވައި، މައްސަލައާ ގުޅޭގޮތުން މަޝްވަރާކުރައްވާފައިވެއެވެ.