މި ބައްދަލުވުމުގައި ފުރަތަމަ ކުރިއަށްގެންދެވީ، ޢުމުރުން 55 އަހަރާއި 65 އަހަރާއި ދެމެދު ވަޒީފާ ދޫކޮށްލަންޖެހޭ މުވައްޒަފުންނަށާއި، ވަޒީފާއިން ވަކިކުރެވޭ މުވައްޒަފުންނަށް އެއްވެސް މާލީ ޢިނާޔަތެއް ލިބޭނެ ގޮތެއް ނެތުމުން އިހަވަންދޫ ދާއިރާގެ މެންބަރު މުޙައްމަދު ޝިފާޢު ހުށަހަޅުއްވާފައިވާ މައްސަލަ ދިރާސާކުރެއްވުމުގެ މަސައްކަތެވެ. އެގޮތުން، އެ މައްސަލައާ ގުޅޭގޮތުން ޢާންމުންނާއި، ސަރުކާރު ހިއްސާވާ ކުންފުނިތަކުންނާއި، ސިވިލް ސަރވިސް ކޮމިޝަނުންނާއި، މޯލްޑިވްސް އެސޯސިއޭޝަން ފޯރ ޓޫރިޒަމް އިންޑަސްޓްރީންނާއި، މޯލްޑިވްސް އެސޯސިއޭޝަން ފޯރ ކޮންސްޓްރަކްޝަން އިންޑަސްޓްރީންނާއި، މޯލްޑިވްސް ޕެންޝަން އެޑްމިނިސްޓްރޭޝަން އޮފީހުންނާއި، މަސައްކަތްތެރިންގެ ޖަމްޢިއްޔާތަކުން ފޮނުއްވާފައިވާ ކޮމެންޓްތަކާ ގުޅޭގޮތުން މަޝްވަރާކުރެއްވުމަށްފަހު، އިތުރަށް މައްސަލަ ދިރާސާކުރެއްވުމަށް ކޮމިޓީން ނިންމެވިއެވެ. އެއަށްފަހު، މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްގެ ބެލުމުގެ ދަށުން ދައުލަތުން ބަލަހައްޓާ ކުޑަކުދިން ބޭތިއްބުމަށްޓަކައި ދިވެހިރާއްޖޭގެ އެކި ސަރަޙައްދުތަކުގައި ޤާއިމްކޮށްފައިވާ މަރުކަޒުތަކާއި، އެ ތަންތަނުގެ ޖާގަ އަދި ވަސީލަތްތަކުގެ ތަފްޞީލް ހޯއްދެވުމަށް އެދި، އިހަވަންދޫ ދާއިރާގެ މެންބަރު މުޙައްމަދު ޝިފާޢު ހުށަހަޅުއްވާފައިވާ މައްސަލަ ދިރާސާކުރެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA