މިއަދުގެ ބައްދަލުވުމުގައި ސަރުކާރުގެ ފަރާތުން ދިއްގަރު ދާއިރާގެ މެންބަރު އިކްރާމް ޙަސަން ހުށަހަޅުއްވާފައިވާ ޤާނޫނު ނަންބަރު 2019/5 (ދިވެހިރާއްޖޭގެ ޤާނޫނީ ފަންނުގެ ޤާނޫނު) އަށް އިޞްލާޙު ގެނައުމުގެ ބިލުގެ މަސައްކަތް ނިންމާނެ ސުންގަޑި އަކަށް 15 ސެޕްޓެންބަރު 2022 ކަމުގައި ކޮމިޓީން ނިންމިއެވެ. އެއަށްފަހު، ބާ ކައުންސިލުން ކޮމިޓީއަށް ބައްދަލުކުރެއްވުން އެދި ފޮނުއްވާފައިވާ ސިޓީއާ ގުޅޭގޮތުން މަޝްވަރާކުރުމަށްފަހު، ދެން ބާއްވަވާ ކޮމިޓީގެ ބައްދަލުވުމެއްގައި ބައްދަލުކުރެއްވުމަށް ކޮމިޓީން ނިންމެވިއެވެ. އެއަށްފަހު، ޤާނޫނު ނަންބަރު 2008/10 (ޖުޑީޝަލް ސަރވިސް ކޮމިޝަންގެ ޤާނޫނު) އަށް އިޞްލާޙުގެ ގެނައުމުގެ ބިލު ދިރާސާކުރުމުގެ މަސައްކަތްކުރެއްވިއެވެ.