މިއަދުގެ ބައްދަލުވުމުގައި،ދައުލަތުގެ ވަކި އިދާރާއެއްގެ ނުވަތަ ސަރުކާރުން ހިންގާ ވަކި ޕްރޮގްރާމެއްގެ ޙާއްޞަ އޮޑިޓެއް މި ވޯރކް ޕްލޭނުގައި ހިމަނައިގެން ކުރިޔަށް ގެންދިއުމަށް މާލިއްޔަތު ކޮމިޓީން ބޭނުންފުޅުވާނަމަ، އެކަން އެ އޮފީހަށް އަންގަވައިދެއްވުމަށް އެދި ފޮނުއްވާފައިވާ ސިޓީއާ ގުޅޭ ގޮތުން މަޝްވަރާކުރެއްވިއެވެ. އެގޮތުން މެންބަރުން އެ ވޯރކް ޕްލޭންގައި ހިމަނަން ބޭނުންފުޅުވާ ދާއިރާއެއް އޮތްނަމަ، މާދަމާ 24 އޮގަސްޓް 2022 ވާ ބުދަ ދުވަހުގެ ކުރިން ކޮމިޓީގެ އިދާރީ މުވައްޒަފުންނަށް ދެންނެވުމަށް ކޮމިޓީގެ މުޤައްރިރު ނިންމެވިއެވެ. ދެން، ޤާނޫނު ނަންބަރު 7/2013 (ދައުލަތުގެ ޚަރަދަށް ޒިންމާވުމުގެ ޤާނޫނު)ގެ 10 ވަނަ މާއްދާއާއި 20 ވަނަ މާއްދާގެ ދަށުން، މެދުރާސްތާގެ ފިސްކަލް ސްޓްރެޓަޖީ އަންގައިދޭ ބަޔާނާއި ދައުލަތުގެ ދަރަނީގެ ސްޓްރެޓަޖީ އަންގައިދޭ ބަޔާން ދިރާސާކުރެއްވުމަށް މެންބަރުންނަށް ފުރުޞަތުދިނުމަށްފަހު ދެން އަންނަ ބައްދަލުވުމަކަށް އެޖެންޑާކުރެއްވުމަށް ނިންމެވިއެވެ. އެއަށްފަހު، މިނިސްޓްރީ އޮފް ފިނޭންސް އިން ފޮނުއްވާފައިވާ ލޯނު އަދި ގެރެންޓީއާގުޅޭ މަޢުލޫމާތުތައް މެންބަރުންނާ ޙިއްޞާކުރެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA