މިއަދުގެ ބައްދަލުވުމުގައި، ޤާނޫނު ނަންބަރު 3/2006 (ދައުލަތުގެ މާލިއްޔަތުގެ ޤާނޫނު) އަށް އިޞްލާޙު ގެނައުމުގެ ބިލު ބިލުގެ ސުންގަޑި ކަނޑައަޅައި، ބިލު ދިރާސާކުރުމަށް ސަބް-ކޮމިޓީއެއް އެކުލަވާލުމާ ގުޅޭ ގޮތުން މަޝްވަރާކުރެއްވިއެވެ. އެގޮތުން، ބިލުގެ ސުންގަޑިއެއްކަމުގައި 21 ސެޕްޓެންބަރު 2022 ވީ ބުރާސްފަތި ދުވަސް ކަނޑައެޅުމަށާއި 7 މެންބަރުންގެ ކޮމިޓީއެއް އެކުލަވާލުމަށް ކޮމިޓީން ނިންމެވިއެވެ. ދެން، ރައްޔިތުންގެ މަޖިލީހުގެ އިދާރާއަށް ކޮޕީކޮށް ފޮނުއްވާފައިވާ ސިޓީތަކުގެ ތެރެއިން މާލިއްޔަތު ކޮމިޓީއަށް ލިބިފައިވާ ސިޓީތައް މެންބަރުންނާ ޙިއްޞާކުރެއްވިއެވެ. އެއަށްފަހު، އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސްގެ 2021 ވަނަ އަހަރުގެ އަހަރީ ރިޕޯޓް ދިރާސާކުރެއްވުމަށް އިތުރު ވަގުތު މެންބަރުންއަށް ދިނުމަށް ނިންމެވިއެވެ.