މިއަދުގެ ބައްދަލުވުމުގައި މާލޭ ސިޓީ ކައުންސިލުން ކުރިއަށްގެންދާ މާލޭ ސްޓްރީޓް ސްކޭޕިންގ ޑިވެލޮޕްމަންޓް ޕްރޮޖެކްޓް ތަންފީޛުކުރުމަށް ހަވާލުކޮށްފައިވާ ހަވާލުކުރުން 23 ޖޫން 2022 ވަނަ ދުވަހުން ފެށިގެން ނިމުމަކަށް ގެނެސްފިކަމަށް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާ ސްޓްރަކްޗަރއިން މާލޭ ސިޓީ ކައުންސިލަށް އަންގާފައިވާތީ، މި މައްސަލަ ބައްލަވައިދެއްވުމަށް އެދި އެ ކައުންސިލުން ފޮނުއްވާފައިވާ މައްސަލައާ ގުޅޭގޮތުން މަޝްވަރާކުރެއްވިއެވެ. މިގޮތުން މި މައްސަލައިގެ މަޢުލޫމާތު ސާފުކުރުމަށް މާލޭ ސިޓީ ކައުންސިލާއި، ރޯޑު ޑިވެލޮޕްމަންޓް ކޯޕަރޭޝަން އަދި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން ސިޓީ ފޮނުއްވަން ނިންމެވިއެވެ. އަދި މި މައްސަލައަކީ ލާމަރުކަޒީ ކޮމިޓީން ވެސް ބައްލަވަމުންގެންދަވާ މައްސަލައެއްކަމުން މި މައްސަލައިގެ ސްޓޭޓަސް އެ ކޮމިޓީން ސާފުކުރެއްވުމަށް ނިންމެވިއެވެ. އެއަށްފަހު ރާއްޖޭގައި އޮޕަރޭޓްކުރާ ބޭންކުތަކުގައި ހުރި ސްޓްރެސްޑް އެކައުންޓްސްތަކުގެ ޕްރޮޕަޓީސްތަކާ ގުޅޭގޮތުން އެ ބޭންކުތަކަށް ދިމާވާ ދަތިތައް ބައްލަވައިދެއްވުން އެދި ހުށަހަޅުއްވާފައިވާ މައްސަލައާ ގުޅޭގޮތުން މަޝްވަރާކުރެއްވުމަށްފަހު، މި މައްސަލައާ ގުޅޭ މަޢުލޫމާތު އިތުރަށް ދިރާސާކުރެއްވުމަށް ވަގުތު ދޭން ނިންމެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA