މިއަދުގެ ބައްދަލުވުމުގައި ފުރަތަމަ ކުރިއަށްގޮސްފައިވަނީ ފ. ނިލަންދޫގެ ނަރުދަމާގެ ނިޒާމު ހަލާކުވެ އެ މައްސަލަ ޙައްލުނުވެ ގިނަ ދުވަސްތަކެއްވެފައިވާތީ އެ ކަން ޙައްލުކޮށްދެއްވުމަށްއެދި ސަރުކާރަށް ގޮވާލާ ހުށަހަޅާފައިވާ ޤަރާރާ ގުޅޭގޮތުން މަޝްވަރާކުރުމެވެ. އެގޮތުން އެ ޤަރާރާ ގުޅޭގޮތުން މަޝްވަރާކުރުމަށް ކަމާގުޅޭ އިދާރާތަކާ ބައްދަލުކުރުމަށް ކޮމިޓީން ނިންމާފައިވެއެވެ. ދެވަނަ ކަމަކަށް މިއަދުގެ ބައްދަލުވުމުގައި ކުރިއަށްގޮސްފައިވަނީ ތ. ވަންދޫ ގިރާތީ ހުށަހަޅާފައިވާ މައްސަލައާ ގުޅޭގޮތުން މަޝްވަރާކުރުމެވެ. އެގޮތުން މި މައްސަލާގައި ބިޑް ކާމިޔާބުކުރި ފަރާތަށް ކޮންޓްރެކްޓް އެވޯޑް ކުރުމުގެ ހުއްދަ މިނިސްޓްރީ އޮފް ފިނޭންސް އިން ލިބުމުން އަމަލީ މަސައްކަތް ކޮންޓްރެކްޓް ކުރުމުގެ މަސައްކަތް ކުރިއަށް ގެންދިއުމަށް ނިންމާފައިވާކަމުގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރއިން މަޢުލޫމާތު ދީފައިވާތީ މި މައްސަލަ ނިންމުމަށް ކޮމިޓީން ނިންމަވާފައިވެއެވެ. ތިންވަނަ ކަމަކަށް މިއަދުގެ ބައްދަލުވުމުގައި ކުރިއަށް ގޮސްފައިވަނީ އައްޑޫ ސިޓީގެ ބިން ހިއްކުމުގެ މަޝްރޫޢާ ގުޅޭގޮތުން ހުރި ކަންބޮޑުވުންތައް ފާޅުކޮށް ހުށަހަޅާފައިވާ މައްސަލައާގުޅިގެން މަދަނީ ޖަމްޢިއްޔާތަކުން ހުށަހަޅާފައިވާ ފަދައިން ތިމާވެއްޓަށް އެންމެ ގެއްލުން ކުޑަވާނެ ގޮތަށް އަދި ދިވެހިރާއްޖޭގައި ޢަމަލުކުރަމުންދާ ޤާނޫނުތަކާއި ގަވާއިދުތަކާ އެއްގޮތަށް މަޝްރޫޢުގެ މަސައްކަތް ކުރިއަށް ގެންދިއުމަށް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރއަށް ދެންނެވުމަށް ކޮމިޓީން ނިންމަވާފައިވެއެވެ. ހަތަރުވަނަ ކަމަކަށް، އައްޑޫ ސިޓީގެ މަގު ހެދުމުގެ މަސައްކަތްކުރިއަށްދާއިރު މަގުގައި ހުރި ޒަމާންވީ ގަސްތައް ނުކަނޑާ އެ މަސައްކަތް ކުރިއަށްގެންދިއުމަށް އެދި ހުށަހަޅާފައިވާ މައްސަލަ ކޮމިޓީން ބަލަންފެށުމާއެކު އެ ގަސްތައް ނުކަނޑައި ރީލޮކޭޓް ކުރުމަށް ނިންމާފައިވާ ކަމުގެ މަޢުލޫމާތު މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރއިން ކޮމިޓީއަށާއި މައްސަލަ ހުށަހެޅިފަރާތަށް އަންގާފައިވާތީ މި މައްސަލަ ނިންމުމަށް ކޮމިޓީން ނިންމަވާފައިވެއެވެ. ނައިފަރުގެ ފެނާ ނަރުދަމާގެ މަސައްކަތް ނުނިމި ލަސްވަމުންދާތީ ރައްޔިތުންނަށް ކުރިމަތިމާ ތަކުލީފުތައް ބަޔާންކޮށް ހުށަހަޅާފައިވާ މައްސަލަލާގައި އޮކްޓޫބަރު މަހު މަސައްކަތް ނިމި އޮޕަރޭޓަރާއި ހަވާލުކުރެވޭނެކަމުގެ މަޢުލޫމާތު މިނިސްޓްރީ އޮފް ނޭޝަނަލް ޕްލޭނިންގ، ހައުސިންގް އެންޑް އިންފްރާސްޓްރަކްޗަރއިން ދީފައިވާތީ މައްސަލަ ނިންމަވާފައިވެއެވެ. ހުޅުމާލޭގައި ޤާއިމްކުރާ ސްވޭޖް ސިސްޓަމް އާ ގުޅޭގޮތުން ހުށަހަޅާފައިވާ މައްސަލަ، މައްސަލަ ހުށަހެޅުއްވި މެންބަރު އަނބުރާ ގެންދިއުމަށް ނިންމަވާފައިވާތީ އެ މައްސަލަ ނިންމަވާފައިވެއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA