މިއަދުގެ ބައްދަލުވުމުގައި ސަރުކާރުގެ ފަރާތުން އިހަވަންދޫ ދާއިރާގެ މެންބަރު މުޙައްމަދު ޝިފާޢު ހުށަހަޅުއްވާފައިވާ، ޤާނޫނު ނަންބަރު 2016/12 (ޖިނާއީ އިޖުރާޢަތުގެ ޤާނޫނު) އަށް އިޞްލާޙު ގެނައުމުގެ ބިލު (27.06.2022) އާއި ސަރުކާރުގެ ފަރާތުން މަރަދޫ ދާއިރާގެ މެންބަރު އިބްރާހީމް ޝަރީފް ހުށަހަޅުއްވާފައިވާ، ޤާނޫނު ނަންބަރު 2008/10 (ޖުޑީޝަލް ސަރވިސް ކޮމިޝަންގެ ޤާނޫނު) އަށް އިޞްލާޙު ގެނައުމުގެ ބިލު ނިންމަވާ ފާސްކުރުމަށް ވޯޓަށް އައްސަވާ، ކޮމިޓީއަށް އެވަގުތު ވަޑައިގެންނެވި 6 މެންބަރުންގެ އިއްތިފާޤުން ފާސްކުރެއްވިއެވެ. ފެނިވަޑައިގަންނަވާކަމަށް ވޯޓުދެއްވި މެންބަރުން: ހެންވޭރު އުތުރު ދާއިރާގެ މެންބަރު އިބްރާހީމް މުޢިއްޒު، ފޭދޫ ދާއިރާގެ މެންބަރު މުޙައްމަދު ނިހާދު، ފޮނަދޫ ދާއިރާގެ މެންބަރު މޫސާ ސިރާޖު، ކަނޑިތީމު ދާއިރާގެ މެންބަރު ޢަބްދުﷲ ޝަހީމް ޢަބްދުލްޙަކީމް، ވެލިދޫ ދާއިރާގެ މެންބަރު މުޙައްމަދު ޢަބްދުﷲ ޝަފީޤް، މަތިވެރި ދާއިރާގެ މެންބަރު ޙަސަން ޒަރީރު) އެއަށްފަހު، ވިލިމާލެ ދާއިރާގެ މެންބަރު އަޙްމަދު އުޝާމް ހުށަހަޅުއްވާފައިވާ ޤާނޫނު ނަންބަރު 2019/5 (ދިވެހިރާއްޖޭގެ ޤާނޫނީ ފަންނުގެ ޤާނޫނު) އަށް އިޞްލާޙު ގެނައުމުގެ ބިލުގެ ސުންގަޑިކަމަށް 29 ސެޕްޓެންބަރު 2022 ގެ ނިޔަލަށް ނިންމެވިއެވެ. އަދި ސަރުކާރުގެ ފަރާތުން ފޭދޫ ދާއިރގާ މެންބަރު މުޙައްމަދު ނިހާދު ހުށަހަޅުއްވާފައިވާ ޤާނޫނު ނަންބަރު 2014/9 (ދިވެހިރާއްޖޭގެ ޤާނޫނުލްއުޤޫބާރު) އަށް އިޞްލާޙު ގެނައުމުގެ ބިލުގެ ސުންގަނޑިއެއްކަމަށް 6 އޮކްޓޯބަރު 2022 ކަމަށް ނިންމެވިއެވެ.