ވޭސްޓް މެނޭޖްމަންޓް ކޯޕަރޭޝަނާއި ގުޅޭގޮތުން އަމިއްލަ ފަރާތަކުން ފޮނުވާފައިވާ މައްސަލައިގެ މަޢުލޫމާތު ސާފުކުރެއްވުމަށް ނިންމަވައި އަދި ކުންފުނީގެ އިންޓަރނަލް އޮޑިޓް ރިޕޯޓްތައް ހޯދުމަށް ކޮމިޓީން އެދިފައިވީނަމަވެސް، އެ ކުންފުނިން އޮޑިޓް ރިޕޯޓްތައް ފޮނުވާފައިނުވާތީ، އެކަން ބައްލަވައިދެއްވުމަށް އެދި ހުޅުދޫ ދާއިރާގެ މެންބަރު އިލްޔާސް ލަބީބް ހުށަހަޅުއްވާފައިވާ މައްސަލަ މިހާރު އޮޑިޓް ރިޕޯޓްތައް ކޮމިޓީއަށް ލިބިފައިވާތީ ޙައްލުވެފައިވާކަމަށާއި އެހެންކަމުން އެ ރިޕޯޓްތައް ދިރާސާކުރެއްވުމުގެ މަސައްކަތް ކުރިޔަށް ގެންދެވުމުގެ ގޮތުން، އެ ކުންފުނީގެ އިންޓަރނަލް އޮޑިޓް ރިޕޯޓްތަކުގައި ފާހަގަކުރައްވާފައިވާ މައްސަލަތަކަށް އިޞްލާޙީ ފިޔަވަޅު އެޅުއްވުމަށް އެ ކުންފުނީގެ އިންޓަރނަލް އޮޑިޓް ޑިޕާޓްމަންޓްއިން ލަފާދެއްވާފައިވާ ކަންތައްތަކުގެ ތެރެއިން މިހާތަނަށް ޢަމަލީ ސިފަ ގެންނަވާފައިވާ ކަންތައްތަކަކީ ކޮބައިކަމާއި، އެ ކަންތައްތަކަށް އިޞްލާޙީ ފިޔަވަޅު އަޅުއްވާފައިވާ މިންވަރާއި، ޢަމަލީ ސިފަ ގެންނަވަން ފައްޓަވާފައިވީ ނަމަވެސް، ނުނިމިވާ ކަންތައްތަކާއި އަދި އެއްވެސް ވަރަކަށް މަސައްކަތް ނުފައްޓަވާ ހުރި ކަންތައްތަކެއްވާނަމަ، އެ ކަންތައްތައް ކުރިއަށް ގެންދަވަން ޤަޞްދުކުރައްވާ ގޮތުގެ ތާވަލެއް ފޮނުއްވައިދެއްވުމަށް އެ ކުންފުންޏަށް ދެންނެވުމަށް ނިންމެވިއެވެ.