މޯލްޑިވްސް ނެޝަނަލް ޕާޓީގެ ރައީސް ދަނގެތި ދާއިރާގެ މެންބަރު މުޙައްމަދު ނާޡިމް ހުށަހަޅުއްވާފައިވާ މައްސަލަ ސަލާމަތީ ޚިދުމަތްތަކާބެހޭ ކޮމިޓީން ނެގުމަށް ދަންނަވާފައިވާތީ، ކޮމިޓީގެ މަސައްކަތްތަކުގެ ތެރެއިން މައްސަލަ އުނިކުރެވިފައިވާ ވާހަކަ ކޮމިޓީ މެންބަރުންގެ ސަމާލުކަމަށްޓަކައި ހިއްސާކުރެއްވިއެވެ. 6 މޭ ގެ ޙަމަލާއާ ގުޅިގެން ދިވެހި ފުލުހުންގެ ޚިދުމަތުންކޮށްފައިވާ ތަޙްޤީޤާ ގުޅޭގޮތުން މަޝްވަރާކުރެއްވުމަށްފަހު، މައްސަލައާ ގުޅިގެން ތަޙްޤީޤް ކުރިއަށްގޮސްފައިވާ މިންވަރާއި، ތަޙްޤީޤް ކުރިއަށްދާގޮތް ކޮމިޓީން ބެއްލެވުމަށްޓަކައި ދިވެހި ފުލުހުންގެ ޚިދުމަތާއި ޕްރޮސިކިއުޓަރ ޖެނެރަލްއާ 30 މޭ 2022 ގައި ބައްދަލުކުރެވިފައިވާތީ، މައްސަލަ ނިމިފައިވާކަމަށް ކޮމިޓީން ނިންމެވިއެވެ. ދިވެހި ފުލުހުންގެ ޚިދުމަތުގެ ޤާނޫނުގެ ދަށުން އެކުލަވާލަންޖެހޭ ގަވާއިދުތައް ގެޒެޓް ކޮށްފައިވަނީ ޕޮލިސް ބޯޑުގެ ލަފާއަށް ރިޔާޢަތްނުކޮށް ކަމަށްބުނެ ހުށަހަޅާފައިވާ މައްސަލައާގުޅޭ އިތުރު މަޢުލޫމާތު ސާފުކުރުމަށް ކަމާގުޅޭ އިދާރާތަކަށް ސިޓީ ފޮނުވުމަށް ނިންމެވިއެވެ. ގަލޮޅު ދަނޑުގައި ޔޯގާ ހަރަކާތް ބޭއްވި ދުވަހު އެތަނުގެ ސެކިއުރިޓީ ބްރީޗްވުމަށް މަގުފަހިވި ސަބަބުތަކާއި، ކުރިމަގުގައި އެފަދަ ކަމެއް ތަކުރާރު ނުވާނެ ގޮތަކަށް ފުލުހުންގެ ތެރޭގައި ފިޔަވަޅު އަޅާފައިވާނަމަ، އަޅާފައިހުރި ފިޔަވަޅުތައް ބައްލަވައިދެއްވުން އެދި މަޑުއްވަރީ ދާއިރާގެ މެންބަރު އާދަމް ޝަރީފް ހުށަހަޅާފައިވާ މައްސަލައާއި، މި މައްސަލާގައި ހިނގައިގެންދިޔަ ހަމަނުޖެހުމުން ފާހަގަވި 7 ކަމެއްގެ ކޮމިޓީން ބައްލަވައިދެއްވުން އެދި ތިމަރަފުށި ދާއިރާގެ މެންބަރު ޢަބްދުﷲ ރިޔާޟް ހުށަހަޅުއްވާފައިވާ މައްސަލައާގުޅޭ އިތުރު މަޢުލޫމާތު ސާފުކުރުމަށް ކަމާގުޅޭ އިދާރާތަކަށް ސިޓީ ފޮނުވުމަށް ނިންމެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA