މިއަދުގެ ބައްދަލުވުމުގައި ފުރަތަމަ ކުރިއަށްގޮސްފައިވަނީ، ފ. ނިލަންދޫގެ ނަރުދަމާގެ ނިޒާމް ހަލާކުވެ އެ މައްސަލަތައް ޙައްލުނުވެ ގިނަ ދުވަސްތަކެއް ވެފައިވާތީ، އެ މައްސަލަތައް ޙައްލުކޮށްދެއްވުން އެދި ސަރުކާރަށް ގޮވާލައި ހުށަހަޅާފައިވާ ގަރާރު ކޮމިޓީން ދިރާސާކޮށް ނިންމި ގޮތުގެ ރިޕޯޓު ފާސްކުރުމެވެ. އެގޮތުން ކޮމިޓީއަށް ހާޒިރުވެ ވޯޓުގައި ބައިވެރިވި މެންބަރުންގެ އިއްތިފާޤުން އެ ރިޕޯޓު ފާސްވެފައިވެއެވެ. އެއަށްފަހު، ކުރިއަށްގޮސްފައިވަނީ ކުނި މެނޭޖްކުރުމުގެ ބިލް ދިރާސާކުރުމެވެ.