މިއަދުގެ ބައްދަލުވުމުގައި ފުރަތަމަ ކުރިއަށް ގެންދެވީ ޤާނޫނު ނަންބަރު 2021/7 (ދިވެހިރާއްޖޭގެ މަތީ ތަޢުލީމާއި ތަމްރީނުގެ ޤާނޫނު) އަށް އިޞްލާޙު ގެނައުމުގެ ބިލުގެ މަސައްކަތް ނިންމާނެ ސުންގަޑި ކަނޑައެޅުމާއި ބިލުގެ މަސައްކަތް ކުރިއަށްގެންދާނެ ގޮތް ނިންމެވުމެވެ. އެ ގޮތުން ބިލުގެ މަސައްކަތް ނިންމާނެ ސުންގަޑިއަކީ 10 ނޮވެންބަރު 2022 ކަމުގައި ކޮމިޓީގެ އިއްތިފާގުން ނިންމެވިއެވެ. މި ގޮތައް ހުށަހެޅުއްވީ ތުލުސްދޫ ދާއިރާގެ މެންބަރު އިބްރާހީމް ނަސީމް އަދި ތާއީދު ކުރެއްވީ ކުރެންދޫ ދާއިރާގެ މެންބަރު ޢަބްދުލްޣަނީ ޢަބްދުލްޙަކީމްއެވެ. ދެން މިއަދުގެ ބައްދަލުވުމުގައި ކުރިއަށް ގެންދެވީ ދިވެހިރާއްޖޭގެ ޤައުމީ ޔުނިވަރސިޓީގެ 2021 ވަނަ އަހަރުގެ އަހަރީ ރިޕޯޓާ ގުޅޭގޮތުން އެ ޔުނިވަރސިޓީގެ ބޭފުޅުންނާ ބައްދަލުކުރެއްވިއެވެ. މި ބައްދަލުވުމުގައި އޮޑިޓަރ ޖެނެރަލްގެ އޮފީހުގެ ބޭފުޅުންވެސް ބައިވެރިވެ ވަޑައިގެންނެވިއެވެ.
© 2024 ރައްޔިތުންގެ މަޖިލިސްގެ އިދާރާA