މިބައްދަލުވުމުގައި ގއ.ވިލިނގިއްޔާ ގުޅިފައިވާ އެކެފަރުގައި ބަންކަރިންގ ފެސިލިޓީއެއް ޤާއިމުކުރާއި ގުޅޭގޮތުން، ހުވަދު އަތޮޅު އުތުރުބުރީ އަތޮޅު ކައުންސިލް އިދާރާއިން ފޮނުއްވާފައިވާ މައްސަލަ ދިރާސާކުރެއްވިއެވެ. އެގޮތުން، މި މައްސަލައާއި ގުޅިގެން މިނިސްޓްރީ އޮފް ފިނޭންސް އަދި މިނިސްޓްރީ އޮފް އިކޮނޮމިކް ޑިވެލޮޕްމަންޓުން ދެއްވާފައިވާ މައުލޫމާތުތަކަށް ރިޢާއަތްކޮށް ހުވަދު އަތޮޅު އުތުރުބުރީ އަތޮޅު ކައުންސިލް އިދާރާއަށް ޖަވާބު ދެއްވުމަށް ދުވާފަރު ދާއިރާގެ މެންބަރު އިސްމާޢީލް އަޙްމަދު ހުށަހަޅައި މިލަންދޫ ދާއިރާގެ މެންބަރު ޢަލީ ރިޟާ ތާއީދުކޮށް ހުށަހެޅުއްވިއެވެ. މި ހުށަހެޅުމަށް ވޯޓަށް އެހުމުން އެ ވަގުތު ކޮމިޓީއަށް ހާޒިރުވެ ތިބި މެންބަރުންގެ އިއްތިފާޤުން ފާސްކުރެއްވިއެވެ.