މިއަދުގެ ބައްދަލުވުމުގައި، ޤާނޫނު ނަންބަރު 2006/3 (ދައުލަތުގެ މާލިއްޔަތުގެ ޤާނޫނު) އަށް ... ވަނަ އިޞްލާޙު ގެނައުމުގެ ބިލު ސަބް-ކޮމިޓީން ދިރާސާކޮށް ނިންމި ގޮތަށް ދާންދޫ ދާއިރާގެ މެންބަރު ޔަޢުޤޫބު ޢަބްދުﷲ ހުށަހަޅުއްވައި، ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ ތާޢީދުކުރެއްވި ހުށަހެޅުން ކޮމިޓީގެ އަޢުލަބިއްޔަތުން ފާސްވިއެވެ. އެއަށްފަހު، ބޭންކުތަކުގައި ހުރި ސްޓްރެސްޑް އެކައުންޓްސް ޕްރޮޕަޓީސްތަކާގުޅޭގޮތުން ބޭންކުތަކަށް ދިމާވާ ދަތިތަށް ބައްލަވައިދެއްވުމަށް އެދި ރައްޔިތުންގެ މަޖިލީހުގެ ރައީސް ފޮނުއްވާފައިވާ މައްސަލަ ރައްޔިތުންގެ މަޖިލީހުގެ ސްޓޭޓް އޯންޑް އެންޓަރޕްރައިސަސް ކޮމިޓީ އަދި މާލިއްޔަތު ކޮމިޓީއަށެވެ. މި މައްސަލައާ ގުޅޭގޮތުން މާލިއްޔަތު ކޮމިޓީން ކަމާ ގުޅުންހުރި މުއައްސަސާތަކާ ބައްދަލުކޮށް، މަޢުލޫމާތު ސާފުކުރެވިފައިވެއެވެ. އަދި، ސްޓޭޓް އޯންޑް ކޮމިޓީން މި މައްސަލަ ދިރާސާކުރުމަށްފަހު، އެ ކޮމިޓީގެ ރިޕޯޓަށް ހިޔާލުހޯދުމަށް މާލިއްޔަތު ކޮމިޓީން ފޮނުވާފައިވުމުން، މާލިއްޔަތު ކޮމިޓީން އެ ކޮމިޓީގެ ރިޕޯޓުގެ 6.4 ވަނަ މާއްދާ އިޞްލާޙުކުރެއްވުމަށް ފަހު އެ ރިޕޯޓް ފާސްކުރެއްވުމަށް މަރަދޫ ދާއިރާގެ މެންބަރު އިބްރާހީމް ޝަރީފް ހުށަހަޅުއްވާ ވިލުފުށި ދާއިރާގެ މެންބަރު ޙަސަން ޢަފީފު ތާޢީދުކުރެއްވި ހުށަހެޅުން ކޮމިޓީގެ އިއްތިފާޤުން ފާސްކުރެވިއެވެ.