މިއަދުގެ ބައްދަލުވުމުގައި، ހައުސިންގ ޑިވެލޮޕްމަންޓް ކޯޕަރޭޝަންއާ ގުޅޭގޮތުން ކަނޑުވައި އެކްސްޕޯޓްސްއިން ހުށަހަޅުއްވާފައިވާ މައްސަލައާ ގުޅޭގޮތުން ހައުސިންގ ޑިވެލޮޕްމަންޓް ކޯޕަރޭޝަންއިން މަޢުލޫމާތު ސާފުކުރެއްވުމަށް ނިންމެވިއެވެ. އެއަށްފަހު، މޯލްޑިވްސް ޕޯޓްސް ލިމިޓެޑްގެ އޮޕަރޭޝަންސްތަކަށް ބޭނުންވާ ތެޔޮ ހޯދުމުގައި ހިންގާފައިވާ ކޮރަޕްޝަންއަށް ތުހުމަހުކުރެވޭ މައްސަލަ ދިރާސާކުރެއްވުމަށް، މި ކޮމިޓީގެ އެދުމުގެ މަތިން އޮޑިޓަރ ޖެނެރަލް އޮފީހުން ފޮނުއްވާފައިވާ ރިޕޯޓް ނަންބަރު SPE-2022-01(D) (މޯލްޑިވްސް ޕޯޓްސް ލިމިޓެޑްގެ އޮޕަރޭޝަންތަކަށް ބޭނުންވާ ޑީސަލް ގަތުމުގު މުޢާމަލާތްތަކާގުޅޭ ޙާއްޞަ އޮޑިޓް ރިޕޯޓް)އާ ގުޅޭގޮތުން އެ އޮފީހުގެ ބޭފުޅުންނާ ބައްދަލުކުރައްވައި މަޢުލޫމާތު ސާފުކުރެއްވުމަށާއި އެ ރިޕޯޓާއި ގުޅޭގޮތުން ފިއުލް ސަޕްލައި މޯލްޑިވްސް ޕްރައިވެޓް ލިމިޓެޑުން އަޅުއްވަން ޤަޞްދުކުރައްވާ އިޞްލާޙީ ފިޔަވަޅުތަކާއި އެ ކަންތައްތައް ކުރިއަށް ގެންދަވަން ޤަޞްދުކުރައްވާ ގޮތުގެ ތާވަލެއް ފޮނުއްވައިދެއްވުމަށް އެ ކުންފުންޏަށް ސިޓީ ފޮނުއްވުމަށް ނިންމެވިއެވެ.