ސީރިއާގައި ގޮތް ހުސްވެ ރެފިއުޖީންގެ ގޮތުގައި އުޅެންޖެހިފައިވާ ފަރާތްތަކަށް އެފަރާތްތަކުގެ އަމިއްލަ ވަޒަނަށް ރުޖޫޢަ ވެވޭނެގޮތް ހަމަޖައްސައިދިނުމަށްއެދި ހުށަހަޅުއްވާފައިވާ މައްސަލައާ ގުޅޭގޮތުން މިނިސްޓްރީ އޮފް ހޯމް އެފެއާޒަށް ސިޓީ ފޮނުވުމަށް ނިންމެވިއެވެ. އދ.ފެންފުށީ / ރޯޒީވިލާ، އަބޫބަކުރު ފައިޞަލް ފުލުހުންގެ ބެލުމުގެދަށުގައި ވަނިޮށް އަމިއްލައަށް މަރުވާން އުޅުނު މައްސަލައިގައި ފުލުހުންގެ އިހުމާލުވޭތޯ ބައްލަވައިދެއްވުން އެދި ހުށަހަޅުއްވާފައިވާ މައްސަލައާ ގުޅޭގޮތުން ހިޔުމަން ރައިޓްސް ކޮމިޝަން އޮފް ދަ މޯލްޑިވްސް އަދި ނޭޝަނަލް އިންޓަރގްރިޓީ ކޮމިޝަންއިން މި މައްސަލަ ތަޙްޤީޤްކޮށް ނިންމުމުން އެ މައްސަލައިގެ ތަޙްޤީޤް ރިޕޯޓު ހިއްސާކޮށްދިނުމަށްއެދި އެ ދެ އިދާރާއަށް ސިޓީ ފޮނުވުމަށް ނިންމެވިއެވެ. 01 ފެބުރުވަރީ 2023 ގައި ގެއްލިފައިވާ، އއ.މަތިވެރި/ރިވެލި ޙަސަން ޢަލީ އާއި 04 ފެބުރުވަރީ 2023 ގައި ގެއްލިފައިވާ ސ.މަރަދޫ/ގަސްކަރަ، މުޙައްމަދު އާސިރު އިސްމާޢީލް ހޯދުމުގެ މަސައްކަތް ދިވެހި ފުލުހުންގެ ޚިދުމަތުން ކުރިއަށް ގެންދާގޮތް ބެލުމަށް ހުށަހަޅުއްވާފައިވާ މައްސަލަކޮމިޓީގެ މުޤައްރިރުގެ އިތުރުން މަޑުއްވަރީ ދާއިރާގެ މެންބަރު އާދަމް ޝަރީފް ހުށަހަޅުއްވާފައިވާތީ، ދެ މައްސަލަ އެއްކޮށްލުމަށްފަހު ކުރިއަށް ގެންދިއުމަށް މަޝްވަރާކުރެއްވިއެވެ. އަދި މި މައްސަލައާ ގުޅޭގޮތުން ފުލުހުންނާ ބައްދަލުކުރުމަށްވެސް ކޮމިޓީން މަޝްވަރާކުރެއްވިއެވެ. ނަމަވެސް ވޯޓަށް އެހޭވަރަށް ކޯރަމް ހަމަ ނުވާތީ، މި މައްސަލައަށް ދެން އޮންނަ ބައްދަލުވުމެއްގައި ގޮތެއް ނިންމުމަށް ބޭއްވުނެވެ.