މިއަދުގެ ބައްދަލުވުމުގައި ދައުލަތުގެ އޮފީސްތަކާ އިދާރާތައް ހިންގުމަށާއި ގުދަންކުރުމުގެ ބޭނުމަށް އަމިއްލަ ފާރާތްތަކުގެ އިމާރާތްތައް ދައުލަތުން ކުއްޔަށް ހިފުމަށް ގިނަ އަދަދެއްގެ ފައިސާ ހޭދަކުރަން ޖެހިފައިވާތީ، މިކަމަށް އަވަސް ޙައްލެއް ހޯދުމަށް ގޮވާލާ ހެންވޭރު އުތުރު ދާއިރާގެ މެންބަރު އިބްރާހީމް މުޢިއްޒު ހުށައަޅާ ޤަރާރުއާ ގުޅޭގޮތުން މަޝްވަރާކުރެއްވުމަށްފަހު މިކަމާގުޅޭ މަޢުލޫމާތު މިނިސްޓްރީ އޮފް ފިނޭންސް އިން ސާފުކުރެއްވުމަށް ނިންމެވިއެވެ. އެއަށްފަހު އިލެކްޝަންސް ކޮމިޝަނުގެ މެންބަރުންގެ ހެލްތް އިންޝުއަރެންސްގެ ޚިދުމަތް 31 ޑިސެންބަރު 2022 ގެ ނިޔަލަށް ހަމަވެފައިވާއިރު، އިންޝުއަރެންސް އާ ކުރުމަށް އެފަރާތަށް ކަނޑައެޅިފައިވާ ޕްރިމިއަމްއަށްވުރެ ބޮޑު އަގުތަކެއް އެލައިޑް އިންޝުއަރެންސްއިން ހުށަހަޅުއްވާފައިވާކަމަށާއި، މިކަމާމެދު ޢަމަލުކުރައްވާނެ ގޮތުގެ ލަފަޔަކަށް އެދި އެ ކޮމިޝަނުން އަދި މިނިވަން މުއައްސަސާތަކުގެ ކޮމިޓީއިން ފޮނުއްވާފައިވާ މައްސަލަ ދިރާސާކުރެއްވިއެވެ. އަދި ހިއުމަން ރައިޓްސް ކޮމިޝަނުގެ މެންބަރުންގެ ހެލްތް އިންޝުއަރެންސް އާ ކުރުމަށް މިމައްސަލަ ދިމާވެފައިވާކަމަށް އެކޮމިޝަނުން ފޮނުވާފައިވާ މައްސަލަ މަޝްވަރާކުރެއްވުމަށްފަހު، ހުށަހެޅިފައިވާ ތިން މައްސަލަ އެއް މައްސަލައެއްގޮތުގައި ދިރާސާކުރެއްވުމަށް، މި ކޮމިޝަންތަކުގެ މެންބަރުންނަށް ހެލްތް އިންޝުއަރެންސްގެ ޚިދުމަތް ދެވޭނެ އަގުތައް ދިވެހިރާއްޖޭގެ އިންޝިއަރެންސް ކުންފުނިތަކުން ސާފުކުރެއްވުމަށް ނިންމެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA