ިއަދުގެ ބައްދަލުވުމުގައި ހައުސިންގ ޑިވެލޮޕްމަންޓް ކޯޕަރޭޝަން (އެޗް.ޑީ.ސީ) ގެ ބޭފުޅުންނާ ބައްދަލުކުރެއްވިއެވެ. މި ބައްދަލުވުމުގައި އެޗް.ޑީ.ސީ ގެ ޚަރަދުތައް ވަރަށް ބޮޑުތަނުން މައްޗަށް ގޮސްފައިވާތީ، މިކަމުގެ ސަބަބުތަކާ ގުޅޭގޮތުން މަޝްވަރާކުރެއްވިއެވެ. އަދި ޚަރަދުތައް އިތުރުވެފައިވާ އެންމެ ބޮޑު އެއް ސަބަބަކީ ކުންފުނިން ބޭނުންވާ ވަރަށް ވުރެ އިތުރަށް މުވައްޒަފުންނަށް ވަޒީފާދީފައިވުންކަމަށް އެޗް.ޑީ.ސީ ގެ ބޭފުޅުން ވިދާޅުވިއެވެ. މިގޮތުން އެޗް.އާރު އޮޑިޓެއް ހައްދަވަމުންދާ ކަމަށާއި ކުންފުންޏަށް ގެއްލުންވަމުންދާތީ، އެކަންކަން ޙައްލުކުރުމަށް ކުންފުނީގެ ހުރި މައްސަލަތައް ބެއްލެވުމަށް ކުންފުނީގެ އިންޓަރނަލް އޮޑިޓް ޑިޕާޓްމަންޓުން މަސައްކަތް ކުރަމުންދާ ކަމަށް ވެސް ވިދާޅުވިއެވެ.