މިއަދުގެ ބައްދަލުވުމުގައި، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ 2022 ވަނަ އަހަރުގެ އަހަރީ ރިޕޯޓް ދިރާސާކުރެއްވުމުގެ ގޮތުން އެ ބޯޑުގެ ބޭފުޅުންނާ މާދަމާ ބައްދަލުކުރެއްވުމަށް ނިންމެވިއެވެ. އަދި، ޢާންމު ކޮމިޓީއިން ކޮމިޓީއަށް ފޮނުއްވާފައިވާ މައްސަލަތުކުގެ މަޢުލޫމާތު ސާފުކުރެއްވުމަށް ކަމާގުޅުންހުރި އިދާރާތަކަށް ސިޓީ ފޮނުވުމަށް ނިންމެވިއެވެ. އެއަށްފަހު، މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން އުވާލުމާ ގުޅިގެން އެ ކުންފުނީގެ ވަޒީފާ ގެއްލިފައިވާ ފަރާތްތަކަށް ސިވިލް ސަރވިސްއިން ވަޒީފާ ދިނުމަށް ނިންމަވާފައިވާ މައްސަލައާ ގުޅިގެން، އެފަރާތްތަކުގެ މުސާރައާއި ޢިނާޔަތްތަކަށް ހެޔޮ ބަދަލުތަކެއް ގެނެސްދެއްވުމަށް އެދި 6 ނޮވެންބަރު 2019 ގައި ހުށަހަޅާފައިވާ މައްސަލަ ދިރާސާކުރެއްވުމުގެ ގޮތުން ނެޝަނަލް ޕޭ ކޮމިޝަން އަދި މިނިސްޓްރީ އޮފް ހައުސިންގ، ޕްލޭނިންގ އެންޑް އިންފްރާސްޓްރަކްޗަރއަށް ސިޓީ ފޮނުއްވުމަށް ނިންމެވިއެވެ.