މިބައްދަލުވުމުގައި ކުރިއަށް ގެންދެވީ، ކޮމިޓީގެ ހިންގާ ގަވާއިދު އިޞްލާޙު ކުރުމުގެ މަސައްކަތެވެ. ކޮމިޓީގެ މެންބަރުން މަޖިލީހުގެ ތަޅުމުގައާއި، އެއް ގަޑިއެއްގައި އިތުރު ކޮމިޓީތައް ކުރިއަށްދާއިރު، ކޮމިޓީގެ ކަންކަން ނިންމުމަށް ކުރިން ކަނޑައަޅުއްވާފައިވާ ޤާނޫނީ ޢަދަދަށް މެންބަރުން ހާޒިރުވެތިބުމުގައި ދަތިތަކާ ކުރިމަތިވަމުންދާތީ، އެ ޢަދަދު އަލުން މުރާޖަޢާކުރުމަށް ނިންމެވިއެވެ. އެގޮތުން، ބުނެވިދިޔަ ގަވާއިދުގެ 5 ވަނަ މާއްދާގެ (ށ) އިޞްލާޙުކުރުމަށް ނިންމަވައި، މީހުން ހާޒިރުކުރުމަށް ބޭއްވޭ ކޮމިޓީގެ ބައްދަލުވުންތަކާއި ކޮމިޓީގައި ކަންކަން ނިންމުމުގައި ކޮމިޓީގެ ޤާނޫނީ ޢަދަދު 7 (ހަތެއް) އިން 5 (ފަހެއް) އަށް ބަދަލުކުރުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން ފާސްކުރެއްވިއެވެ. އެއަށްފަހު، ކުންފުނީގެ ބިލުގެ މަސައްކަތް ކުރިއަށް ގެންދަވާނެގޮތަކާމެދު މަޝްވަރާކުރެއްވިއެވެ. އެގޮތުން، ކޮމިޓީގެ ހިންގާ ގަވާއިދަށް ގެނެވުނު އިޞްލާޙާއެކު ބިލުގެ މަސައްކަތް މުޅި ކޮމިޓީން ކުރިއަށް ގެންދިއުމަށް ނިންމަވައި، މި ބައްދަލުވުން ނިންމަވާލެއްވިއެވެ.
© 2024 ރައްޔިތުންގެ މަޖިލިސްގެ އިދާރާA