މިއަދުގެ ބައްދަލުވުމުގައި މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ ލިމިޓެޑް (މިފްކޯ) އިން ހަބީބް ބޭންކް ލިމިޓެޑް (އެޗް.ބީ.އެލް) އާއިއެކު ސޮއިކޮށްފައިވާ 150 މިލިއަން ރުފިޔާގެ ގެރެންޓީގެ ތަފްސީލާއި، ވާރލްޑް ބޭންކުގެ އިންޓަރނޭޝަނަލް ޑިވެލޮޕްމަންޓް އެސޯސިއޭޝަން (އައި.ޑީ.އޭ) ގެ އެހީގައި ދިވެހިރާއްޖޭގައި ހިންގުމަށް ހަމަޖެހިފައިވާ "ޓްރާންސްފޯމިންގ ފިޝަރީޒް ސެކްޓަރ އިން ސައުތް-ވެސްޓް އިންޑިއަން ރީޖަން އެންޑް މޯލްޑިވްސް ޕްރޮޖެކްޓް" އަށް ދޫކުރުމަށް ހަމަޖެހިފައިވާ 52.8 މިލިއަން އެމެރިކާ ޑޮލަރު (26.4 މިލިއަން އެމެރިކާ ޑޮލަރުގެ ހިލޭ އެހީ އަދި 26.4 މިލިއަން އެމެރިކާ ޑޮލަރުގެ ލޯނު) ގެ މަޢުލޫމާތާއި، ވާރލްޑް ބޭންކުގެ އިންޓަރނޭޝަނަލް ޑިވެލޮޕްމަންޓް އެސޯސިއޭޝަން (އައި.ޑީ.އޭ) ގެ އެހީގައި ދިވެހިރާއްޖޭގައި ހިންގުމަށް ހަމަޖެހިފައިވާ "މޯލްޑިވްސް ކޮމްޕެޓިޓިވްނެސް އެންޑް ގްރޯތް ޕްރޮޖެކްޓް" އަށް އައި.ޑީ.އޭ އިން ދޫކުރުމަށް ހަމަޖެހިފައިވާ 15 މިލިއަން އެމެރިކާ ޑޮލަރު (7.5 މިލިއަން އެމެރިކާ ޑޮލަރުގެ ހިލޭ އެހީ އަދި 7.5 މިލިއަން އެމެރިކާ ޑޮލަރުގެ ލޯނު) ގެ މަޢުލޫމާތާއި، ދައުލަތުގެ ކޭޝްފްލޯއަށް ކުރިމަތިވެފައިވާ ދަތިތައް ހައްލުކުރުމަށްޓަކައި، ހަންގޭރިއަން އެކްސްޕޯޓް-އިމްޕޯޓް ބޭންކް ޕްރައިވެޓް ލިމިޓެޑް (އެގްޒިމް ހަންގޭރީ) އާއި ދިވެހި ސަރުކާރާއި ދެމެދު 18 ޖުލައި 2023 ގައި ސޮއިކޮށްފައިވާ 50 މިލިއަން ޔޫރޯގެ ބަޖެޓް ސަޕޯޓް ލޯނު އެގްރީމަންޓްގެ މަޢުލޫމާތު ކޮމިޓީއާ ޙިއްސާކުރައްވާފައިވެއެވެ. އޭގެ އިތުރުން، ފެނަކަ ކޯޕަރޭޝަން ލިމިޓެޑްއަށް ބޭނުންވާ ވާރކިންގ ކެޕިޓަލް ހަމަޖެއްސުމަށް މޯލްޑިވްސް އިސްލާމިކް ބޭންކް (އެމް.އައި.ބީ) އިން ނެގުމަށް 22 ޖޫން 2023 ގައި ދިވެހި ސަރުކާރުން ގެރެންޓީގެ ދީފައިވާ 200 މިލިއަން ރުފިޔާގެ ލޯނުގެ ތަފްސީލާއި، 27 އޯގަސްޓް 2023 ގައި ގެރެންޓީގެ ދީފައިވާ 200 މިލިއަން ރުފިޔާގެ ލޯނުގެ ތަފްސީލް ކޮމިޓީއާ ޙިއްސާކުރައްވާފައިވެއެވެ. އެއަށްފަހު، ތިލަދުންމަތީ އުތުރުބުރީ އަތޮޅު ކައުންސިލްގެ އިދާރާގެ 2013 އަދި 2016 ވަނަ އަހަރުގެ އޮޑިޓް ރިޕޯޓްތަކާ ގުޅޭގޮތުން ކޮމިޓީގައި މަޝްވަރާކުރެއްވިއެވެ.
© 2024 ރައްޔިތުންގެ މަޖިލިސްގެ އިދާރާA