މިއަދުގެ ބައްދަލުވުމުގައި ސަރުކާރު ޙިއްޞާވާ ކުންފުނިތަކާ ގުޅޭގޮތުން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ކުރައްވަމުންދާ މަސައްކަތްތަކާއި އެ ކުންފުނިތަކާ ގުޅޭގޮތުން ލިބިފައިވާ ޝަކުވާތަކާ ގުޅޭގޮތުން މަޢުލޫމާތު ސާފުކުރެއްވުމަށް އެ ބޯޑުގެ މެންބަރުންނާ ބައްދަލުކުރެއްވިއެވެ. މިގޮތުން ބޯޑުގެ މަސައްކަތްތައް ކުރެއްވުމަށް ދިމާވެފައިވާ ގޮންޖެހުންތައް އެބޭފުޅުން ޙިއްޞާކުރެއްވިއެވެ. އަދި އިންތިގާލީ މަރުޙަލާގައި ސަރުކާރު ޙިއްޞާވާ ކުންފުނިތަކުން ޢަމަލުކުރަންވީ ގޮތާ ގުޅޭގޮތުން އެ ބޯޑުން ނެރުއްވާފައިވާ ސާރކިލާގައި ހުރި ބައެއް ކަންތައްތަކާ ގުޅިގެން މެންބަރުން ކަންބޮޑުވުން ފާޅުކުރެއްވުމުން، އެ ސަރކިއުލާގައި ހުރި ކަންތައްތަކާ ގުޅޭ މަޢުލޫމާތު މެންބަރުންނަށް ދެއްވިއެވެ.
© 2024 ރައްޔިތުންގެ މަޖިލިސްގެ އިދާރާA