ޖުޑީޝިއަރީ ކޮމިޓީގެ 2023 ވަނަ އަހަރުގެ 17 ވަނަ ބައްދަލުވުން
ޚުލާސާ
މިއަދުގެ ބައްދަލުވުމުގައި ހދ.ޖުޑީޝަލް ދާއިރާގެ އިސްމެޖިސްޓްރޭޓް އަލްއުސްތާޛު ޢަލީ އާދަމް ފަނޑިޔާރުކަމުގެ މަޤާމުން ވަކިކުރުމާ ގުޅޭގޮތުން ޖުޑީޝަލް ސަރވިސް ކޮމިޝަނުން ފޮނުއްވާފައިވާ ރިޕޯޓް ދިރާސާކުރުމަށްފަހު، އެ ރިޕޯޓާގުޅޭގޮތުން އިތުރު މައުލޫމާތު ސާފުކުރެއްވުމަށް ޖުޑީޝަލް ސަރވިސް ކޮމިޝަނަށް ސިޓީ ފޮނުއްވުމަށް ނިންމިއެވެ.
މީގެ އިތުރުން ކޮމިޓީގެ ހުށަހެޅުމެއްގެ ގޮތުގައި ކެންދޫ ދާއިރާގެ މެންބަރު ޢަލީ ހުސައިން ހުށަހަޅުއްވާ ތުލުސްދޫ ދާއިރާގެ މެންބަރު އިބްރާހީމް ނަސީމް ތާއީދުކުރެއްވީ، ފަނޑިޔާރުން ވަކިކުރުމަށް ޖުޑީޝަލް ސަރވިސް ކޮމިޝަނުން ހުށަހަޅުއްވާ މައްސަލަތަކާ ގުޅޭގޮތުން ފަނޑިޔާރެއް ހާޒިރުކުރަން ޖެހިއްޖެ ހާލަތެއްގައި ފަނޑިޔާރުން ހާޒިރުކުރެވޭގޮތަށް ނިންމެވުމަށެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.