މިބައްދަލުވުމުގައި ފުރަތަމަ ކަމަކަށް ކުރިއަށް ގެންދެވީ، އިންޑަސްޓްރިއަލް ރިލޭޝަންސްއާބެހޭ ބިލުގެ ސުންގަޑި ކަނޑައަޅައި ބިލުގެ މަސައްކަތް ކުރިއަށް ގެންދާނެގޮތާމެދު މަޝްވަރާކުރުމެވެ. އެގޮތުން ހުޅުވާލި ފުރުޞަތުގައި ބިލުގެ މަސައްކަތް ކޮމިޓީން ނިންމާނެ ސުންގަޑިއަކީ 30 ނޮވެންބަރު 2023 ކަމަށާއި، ބިލާއި ގުޅޭގޮތުން ޕަބްލިކް ކޮމެންޓަށް ހުޅުވާލުމުގެ އިތުރުން ސްޓޭކް ހޯލްޑަރސްގެ ކޮމެންޓްސް ހޯދުމަށް ދުވާފަރު ދާއިރާގެ މެންބަރު އިސްމާޢީލު އަޙްމަދު ހުށަހަޅައި ނިލަންދޫ ދާއިރާގެ މެންބަރު ޢަބްދުލްމުޙްސިން ޙަމީދު ތާއީދުކުރައްވާ ހުށަހަޅާފައިވާތީ، އެ ހުށަހެޅުން ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން ފާސްކުރެއްވިއެވެ. ދެން ކުރިއަށް ގެންދެވީ، ދިވެހިރާއްޖޭގެ ޤައުމީ ޗެމްބަރ އޮފް ކޮމަރސް އެންޑް އިންޑަސްޓްރީސްގެ ބިލުގެ ސުންގަޑި 30 ސެޕްޓެމްބަރު 2023 އަށް ހަމަވެފައިވާތީ، އެ ބިލުގެ ސުންގަޑި 27 ފެބްރުވަރީ 2024 ގެ ނިޔަލަށް އަލުން އިތުރުކުރުމަށާއި، ކުންފުނީގެ ބިލުގެ ސުންގަޑި 30 ޖޫން 2023 އަށް ހަމަވެފައިވާތީ، އެ ބިލުގެ ސުންގަޑި 15 ނޮވެންބަރު 2023 ގެ ނިޔަލަށް އަލުން އިތުރުކުރުމަށް ދުވާފަރު ދާއިރާގެ މެންބަރު އިސްމާޢީލު އަޙްމަދު ހުށަހަޅައި ނޮޅިވަރަމް ދާއިރާގެ މެންބަރު މުޙައްމަދު ނަޝީދު ޢަބްދުﷲ ތާއީދުކޮށް ހުށަހަޅާފައިވާތީ، އެ ހުށަހެޅުން ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން ފާސްކުރެއްވިއެވެ. އެއަށްފަހު ކުރިއަށް ގެންދެވީ، ސަރުކާރުގެ ފަރާތުން ދުވާފަރު ދާއިރާގެ މެންބަރު އިސްމާޢީލު އަޙްމަދު ހުށަހަޅުއްވާފައިވާ ކުންފުނީގެ ބިލު ދިރާސާކުރުމުގެ މަސައްކަތެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA