މިބައްދަލުވުމުގައި، 2024 ވަނަ އަހަރަށް ލަފާކުރާ ދައުލަތުގެ ބަޖެޓުގައި ދިވެހިރާއްޖޭގެ އިސްލާމީ ޔުނިވަރސިޓީއަށް ކަނޑައަޅާފައިވާ ބަޖެޓާ ގުޅޭގޮތުން މައުލޫމާތު ހިއްސާކުރެއްވުމަށް ކޮމިޓީއާ ބައްދަލުކުރުމަށް ފުރުޞަތަކަށް އެދިފައިވާތީ ދިވެހިރާއްޖޭގެ އިސްލާމީ ޔުނިވަރސިޓީގެ ބޭފުޅުންނާ ބައްދަލުކުރެއްވިއެވެ. އެގޮތުން، ޔުނިވަރސިޓީ އަލަށް ފެށުމަށް ހަމަޖެހިފައިވާ ކޯސްތަކާއި އެކި ކަންތައްތަކަށް އަދި ޔުނިވަރސިޓީގެ ޚިދުމަތްތައް މިހާރަށްވުރެ ފުޅާކުރުމަށް މިހާރު ކަނޑައަޅުއްވާފައިވާ ބަޖެޓުން ހުރަސްތަކެއް ހުރިކަން ވަނީ ފާހަގަކުރައްވާފައެވެ. މި ބައްދަލުވުމުގައި ބައިވެރިވެވަޑައިގެންނެވި ބޭފުޅުންގެ ނަންތައް ތިރީގައި އެވަނީއެވެ. 1. ޑރ. ޢަލީ ޒާހިރު - ވައިސް ޗާންސެލަރ 2. މުޙައްމަދު މާހިދު ޝަރީފް - ޑެޕިއުޓީ ވައިސް ޗާންސެލަރ (އެޑްމިނިސްޓްރޭޝަން އެންޑް ފައިނޭންސް) 3. ޑރ. ސައުދުﷲ ޢަލީ - ޑެޕިއުޓީ ވައިސް ޗާންސެލަރ (އެކަޑަމިކް އެފެއާރޒް) 4. ޑރ. ދީބާ މޫސާ - ޑެޕިއުޓީ ވައިސް ޗާންސެލަރ (ރިސަރޗް އެންޑް އިންނޮވޭޝަން) 5. އަޙްމަދު ރައޫފް - ރެޖިސްޓްރަރ 6. އަޙުމަދުﷲ މައުތޫފް އިބްރާހީމް - ޑިރެކްޓަރ، ހިއުމަން ރިސޯސް