މިއަދުގެ ބައްދަލުވުމުގައި ޤާނޫނު ނަންބަރު 2013/3 (ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓަރކޮށް އިވެލުއޭޓް ކުރުމުގެ ޤާނޫނު) ގައި ބަޔާންކޮށްފައިވާ ގޮތުގެމަތިން، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ރައީސްކަމަށް އަދި މެންބަރުކަމަށް ޢައްޔަންކުރައްވާފައިވާ ފަރާތްތަކަށް މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ފޮނުއްވާފައިވާ މައްސަލަތަކުގެ އިދާރީ މަސައްކަތްތައް ކުރުމަށް ކޮމިޓީގެ އިދާރީ މުވައްޒަފުންނާ ޙަވާލުކުރެއްވިއެވެ. އެއަށްފަހު ރަހާ ރިސޯޓަށް އަންނަ ފަތުރުވެރިނަށް އެތެރޭގެ އުދުހުންތައް ފޯރުކޮށްދިނުމަށް، އެ ރިސޯޓާއިއެކު އެއްބަސްވުން ހެދުމަށް އައިލެންޑް އޭވިއޭޝަން ސަރވިސަސް ޕްރައިވެޓް ލިމިޓެޑުން ދެކޮޅު ހަދައި، ކުއްލިގޮތަކަށް އިތުރު ނޯޓިސްއެއް ދިނުމެއްނެތި ކުރިން އެ ރިސޯޓާއިއެކު ހަދާފައިވާ އެއްބަސްވުން އާނުކުރުމަށް ނިންމަވާފައިވާތީ، މި މައްސަލަ ބައްލަވައިދެއްވުމަށް އެދި ރަހާ ރިސޯޓުން ފޮނުއްވާފައިވާ މައްސަލައާ ގުޅޭގޮތުން މަޢުލޫމާތު ސާފުކުރެއްވުމަށް އައިލެންޑް އޭވިއޭޝަން ސަރވިސަސްގެ ބޭފުޅުންނާ ބައްދަލުކުރެއްވިއެވެ. މި ބައްދަލުވުމުގައި ރަހާ ރިސޯޓާ އެ ކުންފުންޏާ ދެމެދު ވެފައިވާ އެއްބަސްވުމުގެ މަޢުލޫމާތު އަދި އެއްބަސްވުމަށް ވަގުތީ ގޮތުން ޢަމަލުނުކުރުމަށް ނިންމާފައިވަނީ އެ ކުންފުނިން ބިލުތަކަށް ފައިސާ ނުދައްކައިގެންކަމަށް އެ ކުންފުނިން މަޢުލޫމާތު ދެއްވިއެވެ.
ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA