އެންމެ ކުޑަމިނުން ދެވޭނެ އުޖޫރަ ކަނޑައެޅުމާ ގުޅޭގޮތުން ރައްޔިތުންގެ މަޖިލީހަށް ދުވާފަރު ދާއިރާގެ މެންބަރު އިސްމާޢީލް އަޙްމަދު ހުށަހަޅުއްވާފައިވާ ޤަރާރުގެ ރިޕޯޓް (ރިޕޯޓު ނަންބަރު M19/IQ/2020/02) އިތުރަށް ފުރިހަމަކުރުމަށް އަނބުރާ ކޮމިޓީއަށް ފޮނުއްވާފައިވާތީ، އެ ރިޕޯޓާމެދު ކޮމިޓީން މަޝްވަރާކުރުމަށްފަހު، އެންމެ ކުޑަމިނުން ދެވޭނެ އުޖޫރަ ޤާނޫނުން ކަނޑައަޅާފައިވާކަން ފާހަގަކުރުމާއެކު، ދިވެހިރާއްޖޭގެ އިޤްތިޞާދީ ޙާލަތަށާއި ޤައުމުގެ ފުއްދުންތެރިކަމާއި އުފެއްދުންތެރިކަމަށް ރިޢާޔަތްކޮށް މިނިމަންވޭޖް ބޯޑުން މިނިސްޓަރަށް ދޭ ލަފާގެމަތިން، ބިދޭސީ މަސައްކަތްތެރިންގެ މިނިމަމްވޭޖް ކަނޑައެޅުމަށް ސަރުކާރަށް އިލްތިމާސްކޮށް ޤަރާރު ފާސްކުރުމަށް ކޮމިޓީން ނިންމެވުމަށް ދުވާފަރު ދާއިރާގެ މެންބަރު އިސްމާޢީލް އަޙްމަދު ހުށަހަޅުއްވައި ތިނަދޫ އުތުރު ދާއިރާގެ މެންބަރު ޢަބްދުލްމުޣުނީ ތާއީދުކޮށް ހުށަހެޅުއްވިއެވެ. މި ހުށަހެޅުމަށް ވޯޓަށް އެހުމުން، ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުންވަނީ (14/5) ފާސްކުރެއްވިއެވެ.
© 2024 ރައްޔިތުންގެ މަޖިލިސްގެ އިދާރާA