މިއަދުގެ ސަރުކާރު ބަދަލުވުމަށްފަހު ސަރުކާރު ޙިއްޞާވާ ބައެއް ކުންފުނިތަކާ ގުޅޭގޮތުން ކޮމިޓީއަށް ލިބެމުންދާ ޝަކުވާތައް ދިރާސާކުރެއްވުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ބޭފުޅުންނާ ބައްދަލުކުރެއްވިއެވެ. އެގޮތުން، ސަރުކާރު ޙިއްޞާވާ ކުންފުނިތަކާ ގުޅޭ އެއްވެސް ޝަކުވާއެއް ލިބުމުން އެފަދަ މައްސަލަތައް ބެލުމަށް އޮންނަ އުޞޫލުގެ ތެރެއިން، މައްސަލަ ބައްލަވަމުން ގެންދަވާކަމަށާއި، ސަރުކާރު ޙިއްޞާވާ ކުންފުނިތަކުގެ މުވައްޒަފުންނާ ގުޅޭ ކަންކަން ކުރަމުން އަންނަނީ އެ ކުންފުނިތަކުގެ "ހިއުމަން ރިސޯސް ޕޮލިސީ"އާ އެއްގޮތަށްކަމަށް އެ ބޯޑުން މަޢުލޫމާތު ދެއްވިއެވެ. އެ ގޮތުން، އެ ބޯޑުން ފަރުމާކުރާ ހިއުމަން ރިސޯސް ޕޮލިސީ މިއަންނަ އަހަރު ޖަނަވަރީ މަހު ފައިނަލައިޒްކުރެއްވޭނެކަމަށް ލަފާކުރައްވާކަމަށާއި، ސަރުކާރު ޙިއްޞާވާ ކުންފުނިތަކުން މި ޕޮލިސީއަށް ޢަމަލުކުރައްވަން ފެއްޓެވުމުން މިފަދަ މައްސަލަތަކަށް ޙައްލެއް ލިބިގެންދާނެކަމަށް މަޢުލޫމާތު ދެއްވިއެވެ.