މިއަދުގެ ބައްދަލުވުމުގައި ކުރިއަށްގޮސްފައިވަނީ، ޤާނޫނު ނަންބަރު 2019/18 ( ކުޑަކުދިންގެ އަދުލުގެ ޤާނޫނަށް އިސްލާޙް ގެނައުމުގެ ބިލްއާ ގުޅޭގޮތުން މަޝްވަރާކުރުމަށް ކަމާގުޅޭ އިދާރާތަކުގެ ބޭފުޅުންނާ ބައްދަލުކުރުމެވެ. އެ ގޮތުން މިބައްދަލުވުމުގައި ތިރީގައިވާ އިދާރާތަކުގެ ބޭފުޅުން ބައިވެރިވެވަޑައިގަތެވެ. 1. މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް 2. އެޓަރނީ ޖެނެރަލްގެ އޮފީސް 3. ޕްރޮސިކިއުޓަރ ޖެނެރަލްގެ އޮފީސް 4. މޯލްޑިވްސް ޕޮލިސް ސަރވިސް 5. ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން 6. ޑިޕާޓްމަންޓް އޮފް ޖުވެނައިލް ޖަސްޓިސް 7. ހިޔުމަން ރައިޓްސް ކޮމިޝަން އޮފް ދަ މޯލްޑިވްސް 8. އެޑޮވޮކޭޓިންގ ދަ ރައިޓްސް އޮފް ޗިލްޑަރަން ދެވަނަ ކަމަކަށް މިއަދުގެ ބައްދަލުވުމުގައި ކުރިއަށްގޮސްފައިވަނީ ޤާނޫނު ނަންބަރު 2019/18 ( ކުޑަކުދިންގެ އަދުލުގެ ޤާނޫނަށް އިސްލާޙް ގެނައުމުގެ ބިލް ދިރާސާކޮށް ނިންމުމެވެ. އެގޮތުން ކަމާގުޅޭ އިދާރާތަކުން ދެއްވި ޚިޔާލުތަކަށް ރިޢާޔަތްކޮށް ކޮމިޓީން ބިލަށް ގެނައި ބަދަލުތަކާއެކު، ކޮމިޓީއަށް ހާޒިރުވެ ވޯޓުގައި ބައިވެރިވެޑައިތް މެންބަރުންގެ އިއްތިފާޤުން ބިލް ވަނި ކޮމިޓީން ފާސްކުރައްވާފައެވެ.