މިބައްދަލުވުމުގައި ބިލަށް އިލެކްޝަން ކޮމިޝަނުން ހުށަހަޅުއްވާފައިވާ އިޞްލާޙުތަކާއި މެދު މަޝްވަރާކޮށް އެ އިޞްލާޙުތަކުގެ ތެރެއިން ބިލުގައި ހިމެނުމަށް ކޮމިޓީއަށް ފެންނަ އިޞްލާޙުތަކާއި ކޮމިޓީގެ މެންބަރުން ބިލުގެ މާއްދާތަކަށް ހުށަހެޅުއްވި އިޞްލާޙުތައް ބިލަށް ގެންނެވިއެވެ. އެގޮތުން؛ - ބިލުގެ 1، 4 އަދި 6 ވަނަ ނަންބަރުގައިވާ މާއްދާތަށް އިލެކްޝަން ކޮމިޝަނުން ހުށަހެޅުއްވި ގޮތަށް އިޞްލާޙުކުރެއްވިއެވެ. - އިލެކްޝަން ކޮމިޝަން އިން ހުށަހަޅާފައިވާ އިޞްލާޙުތަކަށް ބަލައި މިހާރު ބިލުގައި ނެތް 4 މާއްދާއެއް އިތުރުކުރުމަށް ވެސް ނިންމެވިއެވެ. އެގޮތުން، 74 ވަނަ މާއްދާގެ (ހ) އަށް އަކުރެއް އިތުރުކުރުމަށާއި އެ އަކުރު އިތުރުކުރުމާއި ގުޅިގެން އެ އަކުރުގައި ބަޔާންކޮށްފައިވާ ކަންކަމަށް އަދަބު ކަނޑައެޅުމުގެ ގޮތުން މާއްދާއެއް އިތުރުކުރުމަށާއި، އިންތިޙާބުތަކާބެހޭ ޢާންމު ޤާނޫނުގެ 4 ވަނަ މާއްދާގެ (ށ) އަދި 67 ވަނަ މާއްދާ ވެސް ވަނީ އިސްލާޙުކުރައްވާފައެވެ.