މިބައްދަލުވުމުގައި ކުރިއަށް ގެންދެވީ، ރައްޔިތުންގެ މަޖިލީހުގެ ގަވާއިދަށް ހުށަހަޅުއްވާ އިސްލާޙުތައް ދިރާސާކުރުމެވެ. އެގޮތުން، ރައްޔިތުންގެ މަޖިލީހުގެ ގަވާއިދުގެ 49 ވަނަ މާއްދާގެ (ކ)، (އ) އަދި (ވ) އުނިކުރުމަށާއި އެ ގަވާއިދުގެ 242 ވަނަ މާއްދާގެ ފަހަތަށް 1-242 ގެ ގޮތުގައި މާއްދާއެއް އިތުރު ކުރުމަށް ހުށަހެޅުނެވެ. މި ހުށަހެޅުން ހުށަހެޅުއްވީ ކޮމިޓީގެ މުޤައްރިރު ފުނަދޫ ދާއިރާގެ މެންބަރު މުޙައްމަދު ޝާހިދެވެ. މި ހުށަހެޅުމާމެދު ކޮމިޓީގެ މެންބަރުންގެ މެދުގައި މަޝްވަރާކުރެއްވުމަށްފަހު، ކޮމިޓީގެ އަޣުލަބިއްޔަތުން މި ހުށަހެޅުން ހުށަހެޅުއްވި ގޮތަށް ފާސްވިއެވެ.