މިއަދުގެ ބައްދަލުވުމުގައި ކުރިއަށް ގެންދެވީ 6 ފެބުރުވަރީ 2024 ގައި ބޭއްވެވި ރައްޔިތުންގެ މަޖިލީހުގެ 2024 ވަނަ އަހަރުގެ ފުރަތަމަ ދައުރުގެ 3 ވަނަ ޖަލްސާގައި، ދިވެހިރާއްޖޭގެ ޤާނޫނުއަސާސީގެ 115 ވަނަ މާއްދާގެ (ދ)އާއި، ޤާނޫނު ނަންބަރު 2021/20 (ދިވެހިރާއްޖޭގެ ފޮރިން ސަރވިސްގެ ޤާނޫނު) ގެ 14 ވަނަ މާއްދާގައިވާ ގޮތުގެމަތިން، ބޭރު ގައުމުތަކަށް ދިވެހިރާއްޖެއިން ކަނޑައަޅުއްވާ ސަފީރުން ހަމަޖެއްސެވުމަށް ރައީސުލްޖުމްހޫރިއްޔާ ފޮނުއްވާފައިވާ ފަރާތްތަކާ އިންޓަރވިއު ކުރެއްވުމުގެ މަސައްކަތެވެ. އެގޮތުން ތިރީގައި ދެންނެވިފައިވާ ފަރާތްތަކާ އިންޓަރވިއު ކުރެވިފައިވެއެވެ. 1. އަލްފާޟިލް މަސްޢޫދު ޢިމާދު (މ. ތުޅާގިރި) މި އިންޓަރވިއުއަށް އެފަރާތް ވަނީ ހާޒިރުވެ ވަޑައިގަންނަވާފައެވެ. 2. ޑޮކްޓަރ މަރިޔަމް ޝަބީނާ (މ.ރުއްފުށި) މި އިންޓަރވިއު ކުރިއަށް ގެންދެވީ ޓީމްސް މެދުވެރިކޮށް 3. އަލްފާޟިލާ ޤީލާ ޢަލީ (މ.ގީލާވިލާ) މި އިންޓަރވިއުއަށް އެފަރާތް ވަނީ ހާޒިރުވެ ވަޑައިގަންނަވާފައެވެ.
© 2024 ރައްޔިތުންގެ މަޖިލިސްގެ އިދާރާA