މިއަދުގެ ބައްދަލުވުމުގައި ކުރިއަށް ގެންދެވީ ދިވެހިރާއްޖޭގެ ބިމާބެހޭ ޤާނޫނުއަށް އިޞްލާޙު ގެނައުމުގެ ބިލުގެ ސުންގަޑި ކަނޑައެޅުމާއި، ބިލުގެ މަސައްކަތް ކުރިއަށް ގެންދާނެ ގޮތެއް ކަނޑައެޅުމެވެ. އެގޮތުން ބިލުގެ ސުންގަނޑިއެއްގެ ގޮތުގައި ކޮމިޓީގެ އިއްތިފާގުން ނިންމެވީ 10 މާރިޗު 2024 އެވެ. މި ގޮތައް ހުށަހެޅުއްވީ ހޮޅުދޫ ދާއިރާގެ މެންބަރު ޔޫނުސް ޢަލީ އަދި ތާއީދު ކުރެއްވީ އުނގޫފާރު ދާއިރާގެ މެންބަރު މުޙައްމަދު ވަޙީދުއެވެ. އަދި ބިލާއި ގުޅޭގޮތުން އާއްމުންގެޚިޔާލު ހޯދުމަށް އިޢުލާންކުރުމަށް ވެސް ކޮމިޓީން ފާސްކުރެއްވިއެވެ. މީގެ އިތުރުން މިއަދުގެ ބައްދަލުވުމުގައި ބިލާއި ގުޅޭގޮތުން، ގުޅުންހުރި އިދާރާތަކުގެ ޚިޔާލު ހޯއްދެވުމަށް ސިޓީ ފޮނުވުމަށްވެސް ކޮމިޓީން ފާސްކުރެއްވިއެވެ.