ކޮމިޓީގެ މުޤައްރިރުގެ މަޤާމުގައި ހުންނެވި މަޑުއްވަރީ ދާއިރާގެ މެންބަރު އާދަމް ޝަރީފު އެ މަޤާމުން އިސްތިއުފާ ދެއްވުމާ ގުޅިގެން ކޮމިޓީގެ މުޤައްރިރު ހޮއްވެވުމެވެ. ކޮމިޓީގެ މުޤައްރިރަކަށް ހުންނަވާނެ ބޭފުޅެއްގެ ނަންފުޅު ހުށަހެޅުއްވުމަ ހުޅުވާނެ ލެވުނު ފުރުސަތުގައި ކުޅުދުއްފުށި އުތުރު ދާއިރާގެ މެންބަރު ޔާސިރު ޢަބްދުއްލަޠީފް ހުށަހަޅުއްވައި މަޑުއްވަރީ ދާއިރާގެ މެންބަރު އާދަމް ޝަރީފު ތާއިދުކުރެއްވި ހުށަހެޅުމުގައިވަނީ ގަމުދާއިރާގެ މެންބަރު މުހައްމަދު ވިސާމްގެ ނަންފުޅެވެ. މި ހުށަހަހެޅުމަށް ވޯޓަށް އެހުމުން ކޮމިޓީގެ އިއްތިފާގުން ގަމުދާއިރާގެ މެންބަރު މުހައްމަދު ވިސާމް ކޮމިޓީގެ މުޤައްރިރުކަމަށް ހޮވުނެވެ. އެއަށްފަހު، ކޮމިޓީގެ މުޤައްރިރުގެ މަޤާމަށް ފޮވިފައިވަނީ ކޮމިޓީގެ ނައިބު މުޤައްރިރުގެ މަޤާމުގައި ކުރިން ހުންނެވި މެންބަރުކަމުން އެ މަޤާމަށް ބޭފުޅެއްގެ ނަންފުޅު ހުށަހެޅުއްވުމަ ހުޅުވާނެ ލެވުނު ފުރުސަތުގައި ކުޅުދުއްފުށި އުތުރު ދާއިރާގެ މެންބަރު ޔާސިރު ޢަބްދުއްލަޠީފް ހުށަހަޅުއްވައި މަޑުއްވަރީ ދާއިރާގެ މެންބަރު އާދަމް ޝަރީފު ތާއިދުކުރެއްވި ހުށަހެޅުމުގައިވަނީ މަނަދޫ ދާއިރާގެ މެންބަރު އަޙްމަދު ހާރޫންގެ ނަންފުޅެވެ. މި ހުށަހަހެޅުމަށް ވޯޓަށް އެހުމުން ކޮމިޓީގެ އިއްތިފާގުން މަނަދޫ ދާއިރާގެ މެންބަރު އަޙްމަދު ހާރޫން ކޮމިޓީގެ ނައިބުމުޤައްރިރުކަމަށް ހޮވުނެވެ. އެއަށްފަހު ކޮމިޓީއަށް ފޮނުވާފައިވާ މައްސަލަ، 2020 ޖޫން 2 ވަނަ ދުވަހުގެ ރޭ މެންދަމު 1:30 ގައި ބޭއްވުނު ރައްޔިތުންގެ މަޖިލީހުގެ ޖަލްސާގައި މެންބަރުންގެ މެދުގައި ހިނގައިދިޔަ ހަމަނުޖެހުންތަކާ ގުޅިގެން އެމައްސަލަ ބައްލަވައިދެއްވުން އެދި ރައްޔިތުންގެ މަޖިލީހުގެ މައިނޯރިޓީ ލީޑަރު އަދި އޭދަފުށީ ދާއިރާގެ މެންބަރު އަޙްމަދު ސަލީމް ފޮނުއްވާފައިވާ މައްސަލައިގެ ސުންގަޑި ކަނޑައެޅުމާގުޅޭގޮތުން މަޝްވަރާކުރެވުނެވެ. ކޮމިޓީން މިމައްސަލަ ނިންމާނެ ސުންގަޑި ކަމުގައި ކުޅުދުއްފުށި އުތުރު ދާއިރާގެ މެންބަރު ޔާސިރު ޢަބްދުއްލަޠީފް ހުށަހަޅުއްވައި މަނަދޫ ދާއިރާގެ މެންބަރު އަޙްމަދު ހާރޫން ތާއިދުކުރެއްވި ހުށަހެޅުމުގައިވަނީ 22 ފެބުރުއަރީ 2021 ވަނަ ދުވަހުގެ ނިޔަލަށް މި މައްސަލަ ދިރާސާކޮށް ނިންމައި މައި ކޮމިޓީއަށް ހުށަހެޅުމަށެވެ. މި ހުށަހެޅުމަށް ކޮމިޓީގެ އެއްވެސް މެންބަރަކު އިއުތިރާޒު ނުކުރައްވާތީ އެ ހުށަހެޅުން ކޮމިޓީގެ އިއްތިފާގުން ފާސްވިއެވެ.