މިއަދުގެ ބައްދަލުވުމުގައި، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ޤާނޫނީ ޒިންމާ ފުރިހަމައަށް އަދާކުރުމަށް ހުރި ގޮންޖެހުންތަކަށް ޙައްލެއް ހޯއްދަވާދެއްވުމަށް އެދި އެ ބޯޑުން އެދޭކަންތައް ބަޔާންކޮށް ފޮނުއްވާފައިވާ މައްސަލައާ މެދު މެންބަރުންގެ މެދުގައި މަޝްވަރާކުރެއްވިއެވެ. އެގޮތުން، އެ މައްސަލައަށް ޙައްލެއް ހޯއްދެވުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑާއި މިނިސްޓްރީ އޮފް ފިނޭންސް ހާޒިރުކޮށް މަޝްވަރާކުރެއްވުމަށް ވިލުފުށި ދާއިރާގެ މެންބަރު ޙަސަން އަފީފް ހުށަހަޅުއްވައި އިހަވަންދޫ ދާއިރާގެ މެންބަރު މުޙައްމަދު ޝިފާޢު ތާޢީދުކުރެއްވި ހުށަހެޅުން ކޮމިޓީގެ ޢިއްތިފާޤުން ފާސްވިއެވެ. އަދި، ޕްރައިވަޓައިޒޭޝަން އެންޑް ކޯޕްރަޓައިޒޭޝަން ބޯޑުން، އެ ބޯޑަށް ބޭންކް އޮފް މޯލްޑިވްސްގެ އެއްބާރުލުން ނުލިބޭކަމަށް ވިދާޅުފައިވާތީ، އެ ބޯޑާއިއެކު ބޭންކް އޮފް މޯލްޑިވްސްއާ ބައްދަލުކުރެއްވުމަށް ވިލުފުށި ދާއިރާގެ މެންބަރު ޙަސަން އަފީފް ހުށަހަޅުއްވައި އިހަވަންދޫ ދާއިރާގެ މެންބަރު މުޙައްމަދު ޝިފާޢު ތާޢީދުކުރެއްވި ހުށަހެޅުން ކޮމިޓީގެ ޢިއްތިފާޤުން ފާސްވިއެވެ.
© 2024 ރައްޔިތުންގެ މަޖިލިސްގެ އިދާރާA