މިބައްދަލުވުމުގައި ކުރިއަށް ގެންދެވީ، "ގެދޮރުވެރިޔާ ސްކީމްގެ ދަށުން ފްލެޓް ލިބޭކަމަށް މިނިސްޓްރީ އޮފް ނެޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ރަސްމީ ވެބްސައިޓްގައި ގެޒްޓްކުރެވިފައިވާ އެންމެހައި ފަރާތްތަކާއި، ކަމުގެ މަސްލަޙަތު އޮތް އެންމެހައި ފަރާތްތަކުގެ ފްލެޓްތައް ބާޠިލު ނުކުރެއްވުމަށްއެދި ހުށަހަޅާ ޕެޓިޝަން" އާ ގުޅޭގޮތުން ޕަބްލިކް ފޯރަމެއް ބޭއްވުމަށް މި ކޮމިޓީގެ 2024 ވަނަ އަހަރުގެ 2 ވަނަ ބައްދަލުވުމުގައި ނިންމަވާފައިވާ ތާރީޚުގައި ބޭއްވުމަށް ދަތިވާތީ، އެ ފޯރަމް ބާއްވާނެ ތާރީޚެއް ކަނޑައެޅުމެވެ. އެގޮތުން، ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ މެދުގައި މަޝްވަރާކުރެއްވުމަށްފަހު ޕަބްލިކް ފޯރަމް 6 މާރިޗު 2024 ވާ ބުދަ ދުވަހުގެ ރޭގަނޑު 20:45 ގައި ބޭއްވުމަށް ނިންމެވިއެވެ. އެއަށްފަހު، ސޯޝަލް ސެންޓަރު ފަދަ ގިނަ މީހުން ބައިވެރިކުރުވޭނެ ތަނެއްގައި މި ފޯރަމް ބޭއްވުމަށްވެސް އެވަގުތު ކޮމިޓީގައި ހާޒިރުވެވަޑައިގެން ތިއްބެވި މެންބަރުން ނިންމެވިއެވެ. މީގެއިތުރުން، ކޮމިޓީން ބޭއްވުމަށް ނިންމެވި ޕަބްލިކް ފޯރަމްގެ ޕެނަލިސްޓުން ކަނޑައެޅުމުގެ މަސައްކަތްވެސް ކުރިއަށް ގެންދެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA