މިއަދުގެ ބައްދަލުވުމުގައި ކުރިއަށް ގެންދެވީ ކެނދިކުޅުދޫ ދާއިރާގެ މެންބަރު، އަޙްމަދު އީސާ ހުށަހަޅުއްވާފައިވާ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ރަސްމީ ދަތުރުފުޅެއްގައި ނ. ކެނދިކުޅުދޫއަށް ވަޑައިގެން، ރަށު ކައުންސިލުން ޚަރަދުކޮށް އިންތިޒާމްކުރި ދައުލަތުގެ ރަސްމީ ހަފްލާއެއްގައި، 21 އެޕްރީލް 2024 ގައި ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި ސަރުކާރު ނިސްބަތްވާ ޕާޓީއަށް ތާއީދު ހޯއްދެވުމުގެ ގޮތުން ވާހަކަފުޅު ދައްކަވާފައިވާތީ، އެކަން ކުށްވެރި ކުރައްވައި އެފަދަ ކަންކަން ތަކުރާރު ނުކުރެއްވުމަށް އިލްތިމާސްކުރައްވައި، މިލަދުންމަޑުލު ދެކުނުބުރީ ކެނދިކުޅުދޫ ކައުންސިލްގެ އިދާރާއިން 02 މާރިޗު 2024 ގައި ނެރެފައިވާ ނަންބަރު: (PR)286-CB/286/2024/1 ނޫސްބަޔާން ބާޠިލުކުރުމަށް ލޯކަލް ގަވަރމަންޓް އޮތޯރިޓީން އެ ކައުންސިލަށް އަންގަވާފައިވާ މައްސަލައާ ގުޅިގެން ލޯކަލް ގަވަރމަންޓް އޮތޯރިޓީގެ ބޭފުޅުންނާ ބައްދަލުކުރެއްވުމެވެ.