މިއަދުގެ ބައްދަލުވުމުގައި ކުރިއަށް ގެންދެވީ 6 ފެބުރުވަރީ 2024 ގައި ބޭއްވެވި ރައްޔިތުންގެ މަޖިލީހުގެ 2024 ވަނަ އަހަރުގެ ފުރަތަމަ ދައުރުގެ 3 ވަނަ ޖަލްސާގައި، ދިވެހިރާއްޖޭގެ ޤާނޫނުއަސާސީގެ 115 ވަނަ މާއްދާގެ (ދ)އާއި، ޤާނޫނު ނަންބަރު 2021/20 (ދިވެހިރާއްޖޭގެ ފޮރިން ސަރވިސްގެ ޤާނޫނު) ގެ 14 ވަނަ މާއްދާގައިވާ ގޮތުގެމަތިން، ބޭރު ގައުމުތަކަށް ދިވެހިރާއްޖެއިން ކަނޑައަޅުއްވާ ސަފީރުން ހަމަޖެއްސެވުމަށް ރައީސުލްޖުމްހޫރިއްޔާ ފޮނުއްވާފައިވާ ފަރާތްތަކުގެ ތެރެއިން އަލްފާޟިލް މުޙައްމަދު ލުވޭޒު (މއ. ދިލާސާގެ) އާ އިންޓަރވިއު ކުރެއްވުމެވެ. އަދި، ޖެނީވާގައި ހުންނަ އ.ދ.ގެ އޮފީސްތަކަށް، ދިވެހިރާއްޖެއިން ކަނޑައަޅުއްވާފައި ހުންނަ ދާއިމީ މަންދޫބެއްގެ ގޮތުގައި ހަމަޖެއްސެވުމަށް ރައީސުލްޖުމްހޫރިއްޔާ ފޮނުއްވާފައިވާ ފަރާތްކަމުގައިވާ ޑޮކްޓަރ ސަލްމާ ރަޝީދު (މ.ވިލާދަށުގެ) އަކީ ދިވެހިރާއްޖެ ފިޔަވައި އެހެން ޤައުމެއްގެ ރައްޔިތެއްކަމަށް އެ ބޭފުޅާގެ ސީވީގައި ބަޔާންކޮށްފައިވާތީ އެކަން އިތުރަށް ބެލުމަށްފަހު، އެ ފަރާތުގެ އިންޓަރވިއު އަލުން ތާވަލުކުރުމަށް ކޮމިޓީއިން ނިންމަވާފައިވެއެވެ. މީގެ އިތުރުން "އެގްރީމެންޓް އަންޑަރ ދަ ޔުނައިޓެޑް ނޭޝަންސް ކޮންވެންޝަން އޮން ދަ ލޯ އޮފް ދަ ސީ އޮން ކޮންޒަވޭޝަން އެންޑް ސަސްޓެއިނަބަލް ޔޫޒް އޮފް މެރިން ބަޔޮލޮޖިކަލް ޑައިވަރސިޓީ އޮފް އޭރިއާސް ބިޔޯންޑް ނޭޝަނަލް ޖޫރިސްޑިކްޝަން" މި މުއާހަދާގައި ދިވެހިރާއްޖެއިން ބައިވެރިވުމާމެދު ކޮމިޓީއިން މަޝްވަރާކުރައްވާފައިވެއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA