މިއަދުގެ ބައްދަލުވުމުގައި ކުރިއަށް ގެންދެވީ ޤާނޫނު ނަންބަރު 2021/7 (ދިވެހިރާއްޖޭގެ މަތީ ތަޢުލީމާއި ތަމްރީނުގެ ޤާނޫނު) އަށް ... ވަނަ އިޞްލާޙު ގެނައުމުގެ ބިލާ ގުޅޭގޮތުން، މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްއާއި، ދިވެހިރާއްޖޭގެ އިސްލާމިކް ޔުނިވަރސިޓީ އަދި، ދިވެހިރާއްޖޭގެ ޤައުމީ ޔުނިވަރސިޓީގެ ބޭފުޅުންނާ ބައްދަލުކުރެއްވުމެވެ. އެބޭފުޅުންނާ ބައްދަލުކުރެއްވުމަށްފަހު، ތުލުސްދޫ ދާއިރާގެ މެންބަރު އިބްރާހީމް ނަސީމް ހުށަހަޅުއްވާ ގެމަނަފުށި ދާއިރާގެ މެންބަރު އަޙްމަދު ސަޢީދު ތާއީދުކުރައްވާ، މި ދައުރުގެ ބާކީ މިއޮތް ދުވަސްތަކުގައި ބިލު ފުރިހަމައަށް ދިރާސާކޮށް ބިލުގެ މަސައްކަތް އެއްކޮށް ނިންމާލެވޭނެ ކަމަށް ޤަބޫލުނުކުރެވޭތީ މި ދައުރުގައި މި ބިލުގެ މަސައްކަތް ކޮމިޓީން ކުރިއަށް ނުގެންދިއުމަށް ހުށަހެޅުއްވިއެވެ. މި ހުށަހެޅުން އެވަގުތު ކޮމިޓީއަށް ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން ފާސްވިއެވެ.