މިއަދުގެ ބައްދަލުވުމުގައި ހުޅުމާލެ ޕްލޭނިންގ އަދި ޢިމާރާތްކުރުމުގެ ގަވާއިދާ ގުޅޭގޮތުން މެންބަރުން މަޝްވަރާކުރެއްވުމަށްފަހު ކޮމިޓީން ގެންނަވާ އިޞްލާޙުތަކާއެއްކޮށް ގެޒެޓްކޮށްދެއްވުން އެދި މިނިސްޓްރީއަށް ފޮނުއްވުމަށް ކޮމިޓީއަށް ވަޑައިގެންނެވި 4 މެންބަރުންގެ އަޣްލަބިއްޔަތުން ފާސްވިއެވެ. އެއަށްފަހު، މިނިސްޓަރ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓްއިން ޢާންމު ގަވާއިދުތަކާބެހޭ ޖަދުވަލުގައި ހިމެނޭ މާލޭ ޕްލޭނިންގ ގަވާއިދު އިޞްލާޙު ކޮށްދެއްވުން އެދި ހުށަހަޅުއްވާފައިވާތީ، އެ އިޞްލާޙުތަކާއެކު އެ ގަވާއިދު ގެޒެޓްކޮށްދެއްވުން އެދި މިނިސްޓްރީއަށް ފޮނުއްވުމަށް ކޮމިޓީއަށް ވަޑައިގެންނެވި 4 މެންބަރުންގެ އަޣްލަބިއްޔަތުން ފާސްވިއެވެ.