މިނިވަން މުއައްސަސާތަކުގެ ކޮމިޓީގެ 2024 ވަނަ އަހަރުގެ 11 ވަނަ ބައްދަލުވުން
ޚުލާސާ
މިއަދުގެ ބައްދަލުވުމުގައި ފުރަތަމަ އެޖެންޑާކުރެވިފައިވަނީ ކޮމިޓީގައި މިވަގުތު ނުނިމިހުރި މަސައްކަތް ނިންމުމެވެ. އެ ގޮތުން މުޙައްމަދު ޢަބްދުއްރަޙުމާން ، ކަރަންކާގެ/ ބ.ތުޅާދޫ ، 12 މާރިޗު 2024 ގައި ރައްޔިތުންގެ މަޖިލީހުގެ އިދާރާއަށް ފޮނުވާފައިވާ ސިޓީ 8 މެއި 2024 ގައި މިނިވަން މުއައްސަސާތަކުގެ ކޮމިޓީއަށް ލިބުފައިވުމާއެކު އެ ސިޓީއާމެދު ގޮތެއް ނިންމެވުމެވެ. އެގޮތުން އެ ސިޓީ ކޮމިޓީއަށް ލިބުނު އިރު 19 ވަނަ މަޖިލީހުގެ އިތުރަށް މިމައްސަލަ ދިރާސާ ކުރާނެ މުއްދަތެއް ނެތުމާއެކު މި މައްސަލަ އިތުރަށް ކުރިއަށް ގެންދަވަން ބޭނުންފުޅުވާނަމަ 20 ވަނަ މަޖިލިހަށް ހުށަހަޅުއްވައިގެން ކުރިއަށް ގެންދެވުމަށް ކޮމިޓީން ލަފާދިނުމަށް ބާރަށު ދާއިރާގެ މެންބަރު އަޙްމަދު ޢަބްދުﷲ ހުށަހެޅުއްވުމުން އެ ހުށަހެޅުމަށް ކޮމިޓީން ތާއިދުކޮށް އެގޮތަށް ނިންމެވިއެވެ. އަދި އެ ފަރާތައް ސިޓީފޮނުވުމަށް ކޮމިޓީން ނިންމެވިއެވެ.