މިއަދުގެ ބައްދަލުވުމުގައި އެޖެންޑާ ކުރެވިފައިވަނީ (2008/13) އެންޓި-ކޮރަޕްޝަން ކޮމިޝަންގެ ޤާނޫނަށް އިސްލާޚު ގެނައުމުގެ ބިލު ދިރާސާކުރެއްވުމެވެ. ނަމަވެސް މި ބައްދަލުވުމުގައި ފުރަތަމަ މެންބަރުންގެ މެދުގައި މަޝްވަރާ ކުރެވުނީ، ކޮމިޓީގެ 19 ވަނަ ބައްދަލުވުމުގައި ނިންމަވާފައިވާ ސިވިލް ސަރވިސް ކޮމިޝަންގެ މެންބަރު އަލްފާޟިލާ ފާޠިމަތު އާމިރާ ކޮމިޓީއަށް ހާޟިރު ވުމަށް އަންގާފައިވާތީ އެ ފަރާތައް މަޖިލީހުގެ ގަވާއިދުގައި ބުނެފައިވާ 5 ދުވަސް ދެވިފައި ނުވާތީ، ގަވާއިދާ އެއްގޮތަށް އަމަލު ކުރުމަށް އަލުން އެކަމަނާއަށް ސިޓީއަކުން ދެންނެވުމަށް ކޮމިޓީން ފާސް ކުރެވުނެވެ. ކޮމިޓީން ފާސްކުރެވުނު ތާރީޚަކީ 10 މާރިޗު 2020 ވަނަ ދުވަހުގެ 14:00 އަށެވެ. އެއަށްފަހު ކޮމީޓީން 2008/13 އެންޓި-ކޮރަޕްޝަން ކޮމިޝަންގެ ޤާނޫނުއަށް އިސްލާޚު ގެނައުމުގެ ބިލު ދިރާސާ ކުރުމުގެ މަސައްކަތް ކުރިއަށް ގެންދެވުނެވެ. އެ ގޮތުން ބިލުގެ 21 ވަނަ މާއްދާގެ (ރ) އިން ފެށިގެން މުޅި ބިލު ބައްލަވައި ނިންމެވިއެވެ.