މިއަދުގެ ބައްދަލުވުމުގައި ސްޓެލްކޯއާ ގުޅޭގޮތުން ކޮމިޓީއަށް ހުށަހެޅިފައިވާ މައްސަލަތަކާ ގުޅިގެން އެ ކުންފުނިން ހޯދާފައިވާ މަޢުލޫމާތު މެންބަރުންނާ ޙިއްސާކޮށް މަޝްވަރާކުރެއްވިއެވެ. އެގޮތުން، މުވައްޒަފުންގެ ހެލްތް އިންޝުއަރެންސް އަދި ފްލެޓްތައް ދިނުމުގައި ކުންފުނިން ޢަމަލުކޮށްފައިވާ އުޞޫލާ ގުޅޭގޮތުން މެންބަރުންގެ މެދުގައި މަޝްވަރާކުރެވުނެވެ. މީގެ އިތުރުން ކަރަންޓްގެ އަގު ހެޔޮކުރުމަށް ދިމާވާ ގޮންޖެހުންތަކާއި، ފެނާއި ނަރުދަމާގެ ނިޒާމްގެ މަސައްކަތްތައް ކުރިއަށްދާގޮތާ ގުޅޭގޮތުން ކުންފުނިން ފޮނުއްވާފައިވާ ލިޔެކިޔުންތައް ދިރާސާކުރެއްވިއެވެ.