މި ބައްދަލުވުމުގައި ފުރަތަމަ ކުރިއަށް ގެންދެވީ މެރިޓައިމް އިންޑަސްޓްރީއަށް ކުރިމަތިވަމުންދާ ދަތިތަކާ ގުޅޭގޮތުން ފޮނުއްވާފައިވާ ޤަރާރުގެ ސުންގަޑި ކަނޑައެޅުއްވުމުގެ މަސައްކަތެވެ. އެގޮތުން، ގެމަނަފުށި ދާއިރާގެ މެންބަރު އަޙްމަދު ސަޢީދު ހުށަހަޅުއްވައި ތުލުސްދޫ ދާއިރާގެ މެންބަރު އިބްރާހީމް ނަސީމް ތާއީދުކުރެއްވީ ބިލުގެ ސުންގަޑިއަކީ 23 ޖޫން 2020 ކަމުގައެވެ. އެ ހުށަހެޅުއްވުން ކޮމިޓީގެ އިއްތިފާޤުން ފާސްކުރެއްވިއެވެ. މީގެ އިތުރުން، ޤާނޫނު ނަންބަރު 5/2009 (އެއްގަމު ދަތުރުފަތުރުގެ ޤާނޫނު) އަށް އިޞްލާޙު ގެނައުމުގެ ބިލު ދިރާސާކުރެއްވުމުގެ މަސައްކަތް މި ބައްދަލުުމުގައި ކުރިއަށް ގެންދެވިއެވެ. އެގޮތުން، އެ ބިލުގެ 38 ވަނަ މާއްދާއިން ފެށިގެން ބިލު ނިމެންދެން ފާސްކުރެއްވިއެވެ. އަދި، ކުރިން ފާސްނުކުރައްވާ ހުރި އެ ބިލުގެ 1 ވަނަ މާއްދާއާއި، 3 ވަނަ މާއްދާއާއި، 4 ވަނަ މާއްދާއާއި، 5 ވަނަ މާއްދާއާއި އަދި 6 ވަނަ މާއްދާވެސް މި ބައްދަލުވުމުގައި ކޮމިޓީން ފާސްކުރެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA