ކޮމިޓީގެ ނަން

މާލިއްޔަތު ކޮމިޓީ

ތާރީޚް

29 އޭޕްރީލު 2020 21:00

ނަންބަރު

22

މާލިއްޔަތު ކޮމިޓީގެ 2020 ވަނަ އަހަރުގެ 22 ވަނަ ބައްދަލުވުން

ޚުލާސާ

1. އޮޑިޓަރ ޖެނެރަލްގެ އޮފީހުގެ 2019 ވަނަ އަހަރުގެ އަހަރީ އޮޑިޓް ކުރުމުގެ މަސައްކަތް ޙަވާލުކުރެވިފައިވާ ކްރޯ މޯލްޑިވްސް އެލް.އެލް.ޕީ އަށް ކޮވިޑް 19 އާ ގުޅިގެން، އޮޑިޓްގެ މަސައްކަތް ނިންމުމަށް ދަތިތަކާ ކުރިމަތިވަމުންދާތީ، އޮޑިޓްގެ މަސައްކަތް ނިންމުމަށް ދީފައިވާ މުއްދަތު އިތުރުކޮށްދެއްވުމަށް އެދިވަޑައިގެން އެ ފަރާތުން ފޮނުއްވާފައިވާ ސިޓީއާމެދު މަޝްވަރާކުރެއްވިއެވެ. އެގޮތުން، 31 މެއި 2020 ގެ ނިޔަލަށް އެއްބަސްވުމުގައިވާ މުއްދަތު އިތުރުކުރުމަށް ނިންމެވިއެވެ. 2. ޤާނޫނު ނަންބަރު 2019/19 (ކުޑަކުދިންގެ ހައްޤުތައް ރައްކާތެރިކުރުމުގެ ޤާނޫނު) ގެ 121 ވަނަ މާއްދާގެ ދަށުން ޗިލްޑްރަންސް އޮމްބަޑްސްޕާރސަނަށް ދެވޭ މުސާރައާއި އިނާޔަތްތައް މާލިއްޔަތު ކޮމިޓީއިން ކަނޑައެޅުމުގެ ކުރިން މި ދަނޑިވަޅުގައި އެމަޤާމު އުފެއްދުމަކީ ފީސިބަލްކަމެއްތޯއާއި މުސާރައާއި ޢިނާޔަތް ދިނުމުގައި ރިޢާޔަތްކުރައްވަން ޖެހޭނެ ކަންކަމާ މެދު މިނިސްޓްރީ އޮފް ފިނޭންސް އަދި ނެޝަނަލް ޕޭ ކޮމިޝަންގެ ލަފާ ހޯދުމަށް ނިންމެވިއެވެ. 3. ކޮވިޑް-19 އާ ގުޅިގެން ސަރުކާރުން ހިންގެވުމަށް ނިންމާފައިވާ ޕްރޮގްރާމް ތަންފީޒުކުރުމަށް މަޖިލީހުން ދެކޭގޮތް ކަނޑައެޅުމާ ގުޅޭގޮތުން ހުށަހަޅާފައިވާ މައްސަލައިގައި ކޮމިޓީގެ ދާއިރާގެ ތެރޭގައި ހިމެނޭ ކަންކަމާ ގުޅޭގޮތުން މަޝްވަރާކުރުމަށް މިނިސްޓަރ އޮފް އިކޮނޮމިކް ޑިވެލޮޕްމަންޓްއާ ބައްދަލުކުރުމަށް ނިންމެވިއެވެ.

  • ބޭނުންވެލައްވާ މަޖިލިސް ޚިޔާރުކުރައްވާ

© 2024 ރައްޔިތުންގެ މަޖިލިސްގެ އިދާރާA